General Motors amerikan awtoöndürijisi aprel aýynyň başynda Chevrolet Bolt elektromobiliniň önümçiligini gaýtadan dikeltmegi we awtoulaglary sarp edijilere satmak üçin awtodilerlere iberip başlamagy meýilleşdirýär.
Geçen ýylyň tomsunda kompaniýa ýanma sebäp bolup biljek akkumulýatordaky kemçilikler sebäpli bu ulaglaryň önümçiligini togtatdy diýip, “The Wall Street Journal” neşiri habar berýär. Iýul aýynyň ahyrynda GM soňky bäş ýylda öndürilen 142 müň Chevrolet Bolt elektromobilini yzyna gaýtarýandygyny habar berdi.
Sentýabr aýynda GM Günorta Koreýanyň LG Electronics Inc. akkumulýator öndürijisiniň önümçilik kemçiligini düzedip, 142 müň elektromobilde çalyşmak üçin diler merkezlerine täze batareýalary iberip başlandygyny aýtdy.
GM 13 akkumulýatoryň ýanma hadysasyndan habarly. LG tarapyndan geçirilen derňewlerden soň, munuň esasy sebäbiniň akkumulýatordaky iki önümçilik kemçiliginiň bolandygy belli boldy.
