Gazagystanyň ykdysadyýeti geçen ýylyň jemi boýunça 4 göterim ýokarlandy. Bu barada prezident Kasym Žomart Tokaýew giňişleýin hökümet mejlisinde aýtdy diýip, “Kazinform” halkara habarlar agentligi habar berýär.
“Geçen ýylyň jemi boýunça ýurduň ykdysadyýeti 4% ösdi. Önümçilik senagaty 5,5%, gurluşyk senagaty 7,6% ýokarlandy. Hyzmatlar gurşawynda hem oňyn tendensiýa hasaba alynýar. Söwda 9,2%, transport pudagy 3,6% ýokarlandy” – diýip, Kasym Žomart Tokaýew aýtdy. Şol bir wagtyň özünde prezident inflýasiýanyň 8,4 göterime deň bolandygyny belledi.
“Gynansak-da, ýanwar wakalary durnukly durmuş üpjünçiligini düýpgöter üýtgetdi. Bikanun hereketleriň netijesinde köp raýatlar zyýan çekdi. Kiçi we orta biznes wekilleri hem ýitgi çekdiler. Häzirki maglumatlar boýunça, biznese 100 mlrd teňňeden gowrak möçberde zyýan ýetdi” – diýip, prezident sözüniň üstüni ýetirdi.
