Etalon markalarynyň nebit bahalary anna güni söwdanyň dowamynda ýokarlanmagyny dowam etdirýär, WTI nebitiniň bahasy hem 2014-nji ýylyň oktýabr aýyndan bäri ilkinji gezek bir barrel üçin 90 dollardan geçdi. Bu barada INTERFAX.RU habar berýär.
Brent nebiti üçin aprel fýuçersleriniň bahasy Londonyň ICE Futures biržasynda anna güni Aşgabat wagty bilen 10:12-ä çenli bir barrele 91,56 dollar boldy, bu geçen sessiýanyň ýapylyş bahasyndan 0,45 dollar (0,49%) ýokarydyr. Penşenbe güni geçirilen söwdanyň netijesinde bu şertnamalar 1,64 dollar (1,8%) – bir barrele 91,11 dollara çenli gymmatlady.
Mart aýy üçin WTI nebitiniň fýuçers bahasy Nýu-Ýorkuň haryt biržasynyň (NYMEX) elektron söwdasynda bu wagtda barreline 90,92 dollara barabar boldy, bu bolsa penşenbe günündäki sessiýanyň ahyrky bahasyndan 0,65 dollar (0,72%) ýokarydyr. Bir gün öň bu şertnamalaryň bahasy 2,01 dollara (2,3%), ýagny barreline 90,72 dollara çenli ýokarlandy.
