OPEC+ ýurtlary, garaşylyşy ýaly, mart aýynda nebit önümçiligini meýilnama boýunça bir günde 400 müň barrel ýokarlandyrar. Bu barada çarşenbe güni geçirilen mejlisden soň bileleşigiň resmi beýanatynda aýdylýar.
“OPEK we kooperasiýa Jarnamasyna gatnaşýan OPEK däl ýurtlar ONOMM-yň (OPEK+ birleşiginiň) 19-njy mejlisinde tassyklanylan aýlyk önümçiligi düzetmegiň meýilnamasyny we 2022-nji ýylyň mart aýynda umumy nebit önümçiligini bir günde 0,4 mln barrel ýokarlandyrmak çözgüdini tassyklamak kararyna geldiler” – diýlip, resminamada bellenilýär.
Çarşenbe güni irden bu karar barada RIA Nowosti-niň birleşikdäki çeşmeleri habar berdi. Şeýle-de, OPEK+ indiki mejlisi 2-nji martda geçirmegi meýilleşdirýändigini nygtady.
