Madridiň “Realy” 2022-nji ýylyň tomsunda “Pari Sen-Žermeniň” we Fransiýanyň milli ýygyndysynyň hüjümçisi Kilian Mbappe bilen şertnama baglaşmak barada ylalaşdy diýip, “Bild” habar berýär. Muny RIA Nowosti ýetirýär.
Gazetiň maglumatlaryna görä, fransiýaly oýunçy ýylda 50 mln ýewro gazanyp, dünýäniň iň ýokary hak alýan oýunçysy bolar.
Şeýle-de, Çempionlar ligasynyň 1/8 finalynyň “Real” bilen “PSŽ-niň” arasyndaky iki oýunly duşuşygy tamamlanýança, bu mesele bilen bagly resmi bildirişiň bolmajakdygy bellenildi. “Bild” fransuz klubunyň Mbappe bilen şu ýylyň iýun aýynda tamamlanýan şertnamanyň möhletini uzaltmakdan eýýäm ýüz öwrendigini hem habar berýär.
Şu möwsümde Mbappe Fransiýanyň çempionatynda 20 oýna gatnaşyp, 10 gol geçirdi we 9 netijeli geçirim etdi.
