Özbegistanyň Döwlet statistika komitetiniň maglumatlaryna görä, 2022-nji ýylyň 1-nji ýanwaryna çenli ýagdaýa görä, Özbegistan Respublikasynyň hemişelik ilatynyň sany geçen ýyl bilen deňeşdirilende 712,4 müň adam ýa-da 2,1% köpelip, 35 271,3 müň adama barabar boldy. Şoňa laýyklykda, aýallaryň sany 346,6 müň adam ýa-da 2,0%, erkekleriň sany 365,7 müň adam ýa-da 2,1% artdy. Bu barada www.uzdaily.uz habar berýär.
BMG-niň Ilat gaznasynyň maglumatlaryna görä, 2021-nji ýylda dünýä ilatynyň umumy sany 7,875 mlrd adama barabar. Özbegistan Respublikasy ilat sany boýunça 43-nji orny eýeleýär.
Özbegistanda 2021-nji ýylda doglan çagalaryň sany 63,4 müň adam ýa-da 2020-nji ýyl bilen deňeşdirilende, 7,5% ýokarlandy, ýogalanlaryň sany 1,1 müň adam ýa-da 2020-nji ýyl bilen deňeşdirilende, 0,6% azaldy.
Hasaba alnan nikalaryň sany 8,3 müň adam ýa-da 2020-nji ýyl bilen deňeşdirilende, 2,8% ýokarlandy, aýrylyşýanlaryň sany hem 11,0 müň adam ýa-da 39,0% artdy.
2022-nji ýylyň 1-nji ýanwaryna çenli ýagdaýa görä, respublikanyň hemişelik ilatynyň sanyny zähmete ukyply ýaşdan kiçi çagalar – 31,2%, zähmete ukyply ýaşdakylar – 57,6% we zähmete ukyply ýaşdan uly adamlar – 11,2% emele getirdi.
2022-nji ýylyň 1-nji ýanwaryna çenli ýagdaýa görä, Özbegistan Respublikasynyň ilatynyň sany bir inedördül kilometre 78,6 adam boldy. Bu 2021-nji ýylyň degişli döwri bilen deňeşdirilende, 1,6 adam köpdür (2021-nji ýylyň başynda 1 inedördül kilometre 77,0 adam).
