Amerikan kompaniýasy Meta emeli intellektiň esasynda işleýän Al Research SuperCluster (RSC) superkompýuteriniň döredilendigini habar berdi. Bu barada Meta-nyň saýtynda aýdylýar. Muny belta.by ýetirýär.
Kompaniýanyň habar bermegine görä, kompýuter 2022-nji ýylyň ortalaryna çenli doly işlenilenden soň dünýäde iň çalt hasaplaýjy maşyn bolar.
Kompaniýanyň maglumatlaryna görä, has çylşyrymly ýumuşlary ýerine ýetirip biljek emeli intellektiň indiki neslini işläp düzmek üçin “sekuntda kwintillion amallary ýerine ýetirmäge ukyply bolan has kuwwatly superkompýuterler” gerek bolar.
RSC superkompýuteri işläp düzüjilere “trillionlarça mysallarda öwrenip, ýüzlerçe dilde işläp, bir wagtyň özünde teksti, audiony we wideony aňsatlyk bilen seljerip, üsti ýetirilen reallygyň gurallaryny we başga-da köp zatlary işläp düzüp biljek iň gowy emeli intellekt modellerini döretmäge” mümkinçilik berer.
Işläp düzüjileriň pikiriçe, RSC indiki uly hasaplaýyş platformasy – “metaälem” üçin tehnologiýalary döretmäge ýol açar.
