Nutrisiolog Ýuliýa Polowinskaýa greçkany iýmegiň täze usuly barada gürrüň berdi. Onuň aýtmagyna görä, greçka ýarmasynyň ýaşyl görnüşi peýdaly häsiýetlere eýedir diýip, RIA Nowosti habar berýär.
Polowinskaýa ýylylyk täsirlenmesiniň ýoklugy sebäpli ýaşyl greçkanyň adatdakysyndan has peýdalydygyny, çünki bu prosesiň dowamynda ýarmanyň witaminlerini ýitirýändigini aýtdy. Şonuň üçin ýarmanyň ilkinji görnüşi hemmeler üçin peýdalydyr diýip, ol belledi. Hünärmen ýaşyl greçkany ulanmagyň bu önümi dogry iýmegiň usulydygyny aýtdy.
Hünärmen ýaşyl greçkanyň iýmit siňdiriş prosesini gowulandyrýan we organizm tarapyndan ýeňil siňdirilýän kletçatka baýdygyny sözüniň üstüne goşdy. Mundan başga-da, onuň düzüminde immun ulgamynyň we tutuş organizmiň ýagdaýyna oňyn täsir edýän hem-de garrama prosesini haýalladýan antioksidantlar, witaminler we minerallar saklanýar. Ýaşyl greçka gandaky gemoglobiniň mukdaryny hem kadalaşdyrýar.
“Bu horlanmak üçin gowy önüm bolmak bilen, dokluk berýär, metabolizmi gowulaşdyrýar. Aşgazan-içege keselleri bolan adamlar seresaplylyk bilen kabul etmeli, sebäbi içegede gaz emele gelşini güýçlendirýär” – diýip, nutrisiolog sözüni jemledi.
