Türkmenistanda Sport we ýaşlar syýasaty boýunça habarlar merkezini döretmek göz öňünde tutulýar. Bu barada Hökümetiň 21-nji ýanwarda geçirilen mejlisinde Ministrler Kabinetiniň Başlygynyň orunbasary S.Toýlyýew habar berdi.
Bellenilişi ýaly, bu merkezi döretmegiň maksady kagyzda neşir edilýän köpçülikleýin habar beriş serişdelerini elektron görnüşe hem-de sanly ulgama geçirmek, Türkmenistanyň internetiň habarlar-täzelikler ulgamyna gatnaşmagyny giňeltmek, saýtlary we beýleki web-serişdeleri döretmek, gazet-žurnallaryň işlerini döwrebaplaşdyrmak bilen baglydyr.
Prezident Gurbanguly Berdimuhamedow hasabaty diňläp, Sport we ýaşlar syýasaty boýunça habarlar merkezini döretmek boýunça alnyp barylýan işleri dowam etmek barada wise-premýere birnäçe görkezmeleri berdi.
