Awstraliýada soňky 62 ýylda iň ýokary temperatura hasaba alyndy

  • 14.01.2022 23:02
  • 8.7k+

Awstraliýaly meteorologlar yklymda soňky 62 ýylda iň ýokary temperaturany hasaba aldylar. Ol Selsiý boýunça 50,7 gradus boldy. Bu barada Awstraliýanyň Meteorologiýa gullugy Twitterde habar berdi diýip, TASS belleýär.

Şeýle temperatura penşenbe güni yklymyň günbataryndaky Pilbara sebitinde ýokarlandy. Bu sebit özüniň yssy we gurak klimaty bilen bellidir, ýöne ýylyň bu döwründe ol ýerdäki temperatura, adatça Selsiý boýunça 30 gradusdan geçmeýär.

ABŞ-nyň Milli umman we atmosfera gözlegleri edarasynyň maglumatlaryna görä, soňky onýyllyk meteorologiýa gözegçiliginiň taryhynda iň yssysy boldy. Munuň, esasan, ýangyjyň gazylyp alynýan görnüşlerini çykarmakda we ulanmakda işlenip çykýan bug gazlarynyň zyňyndylary bilen baglanyşyklydygy bellenilýär.

Awstraliýanyň kömür senagaty ony atmosfera kömürturşy gazy zyňyndylarynyň dünýädäki iň uly çeşmeleriniň birine öwürdi. Şeýle-de bolsa, ýurduň hökümeti kömür çykarmakdan ýüz öwürmek islemeýär, sebäbi bu iş orunlarynyň azalmagyna, netijede sosial-ykdysady meseleleriň ýitileşmegine getirer. 


04.08.2025 16:59
8.8k+

Awstraliýadaky maýagyň diwarynda 120 ýyldan gowrak ozal gizlenen hat tapyldy

Tasmaniýanyň günortasyndaky taryhy Keýp-Bruni maýagynda 120 ýyldan gowrak ýaşy bolan içi hatly aýna çüýşe tapyldy. Bu barada The Guardian habar berýär. Tapyndyny hudožnik we reňkleýji Braýan Berford kenarýaka desgasynyň adaty tehniki hyzmaty wagtynda ýüze çykardy...

04.08.2025 14:32
8.9k+

Awstraliýa 40 ýylyň içinde iň köp gar ýagdy

Awstraliýa soňky kyrk ýylyň içinde iň güýçli gar ýagdy. Täze Günorta Uels ştatynyň demirgazyk etraplaryna 40 santimetre çenli gar düşdi, bu 1980-nji ýyllaryň ortalaryndan bäri iň köp ygal boldy. Gar Armideýl we Gaýra şäherlerine ýagdy...

03.08.2025 17:37
12k+

Awstraliýada ýurtda iň uly we iň agyr mör-möjek ýüze çykaryldy

Kwinslend tropiklerinde, Aterton belentliginde Awstraliýanyň çäginde belli bolan mör-möjekleriň iň uly we iň agyr görnüşi ýüze çykaryldy. The Guardian neşiriniň habar bermegine görä, taýajyk görnüşlileriň täze görnüşine Acrophylla alta ady berildi...

23.05.2025 10:31
7.9k+

Britaniýaly ejesiniň hatyrasyna tutuş Awstraliýany ylgap, rak bilen göreşmek üçin serişde ýygnady

Britaniýaly ultra-marafonçy Uilýam Guj 3800 km töweregi ylgap, 35 günde tutuş Awstraliýany geçdi. Ol ylgawa 15-nji aprelde Kotteslou kenaryndan başlap, ony 19-njy maýda garşy kenarda, Bondi kenarynda tamamlady...