Ýewropa Bileleşigi Hyundai bilen Daewoo-nyň birleşmegine gadaganlyk goýdy

  • 14.01.2022 16:52
  • 8.5k+

Ýewropa Bileleşigi dünýäde iri gämi gurluşyk kompaniýalary bolan Günorta Koreýanyň Hyundai we Daewoo kompaniýalarynyň birleşmegine böwet boldy. Ýewropa komissiýasynyň beýanatynda bellenilişi ýaly, bu geleşik täze konserniň suwuklandyrylan gazy daşamak üçin tankerleri öndürmekde dünýäde agalyk ediji orunlary eýelemegine getirerdi we bäsdeşligi gowşadardy.

Brýusseliň garaýyşlaryny teswirläp, Ýewrokomissiýanyň wise-başlygy Margret Westager şeýle diýdi:

"Ýewropa Bileleşiginde energiýa sarp edilişiniň dörtden bir bölegine golaýy tebigy gazyň paýyna düşýär, onuň aglaba bölegi bolsa, import edilýär, şol sanda suwuklandyrylan gaz görnüşinde getirilýär. Bu günki kararda gürrüňi edilýän tankerler suwukladyrylan gazy getirmekde möhüm düzüm bölegi bolup durýar. Bu iri gämiler suwuklandyrylan gazy dürli sebitlerden Ýewropa getirýärler» — diýip, Euronews habar berýär.

Brýusselde düşündirmeklerine görä, suwuklandyrylan gaz daşamak üçin tankerleri dünýäde sanlyja kompaniýalar öndürip bilýär. Şeýlelikde, Hyundai bilen Daewoo ýaly iri kompaniýalaryň birleşmegi bazarda saýlawy azaldardy we Ýewropa sarp edijileri üçin bahalaryň ýokarlanmagyna getirerdi.
Günorta Koreýada kompaniýalaryň birleşmegine girizilen gadaganlyga gynanç bildirdiler. Birleşmäni öň Hytaýyň, Singapuryň we Gazagystanyň kadalaşdyryjy edaralary makullapdy.


25.10.2025 12:11
11k+

Türkmenistan 2027-nji ýylyň başynda TOPH boýunça Owganystana gaz iberip başlamagy meýilleşdirýär

Türkmenistan – Owganystan – Pakistan – Hindistan (TOPH) gaz geçirijisi boýunça Owganystana türkmen gazyny 2027-nji ýylyň başynda iberip başlamak meýilleşdirilýär. Bu barada TAPI Pipeline Company Limited kompaniýasynyň baş direktory Muhammetmyrat Amanow «Türkmenistanyň nebiti we gazy – 2025» halkara maslahatynda eden çykyşynda aýtdy...

21.10.2025 06:38
17k+

Gurbanguly Berdimuhamedow Hyratda Owganystanyň Hökümetiniň Başlygynyň orunbasary bilen duşuşdy

20-nji oktýabrda Owganystana saparynyň çäklerinde Türkmenistanyň Halk Maslahatynyň Başlygy Gurbanguly Berdimuhamedow Owganystanyň Ministrler Kabinetiniň Başlygynyň ykdysady meseleler boýunça orunbasary Abdul Gani Baradar bilen duşuşdy...

20.10.2025 20:24
16k+

«Arkadagyň Ak ýoly bilen Serhetabat – Hyrat» gaz geçirijisiniň gurluşygyna owgan raýatlary hem işe çekiler

Şu gün, 20-nji oktýabrda «Arkadagyň Ak ýoly bilen Serhetabat – Hyrat» gaz geçirijisiniň nobatdaky tapgyrynyň gurluşygyna badalga berildi. Dabarada çykyş eden Türkmenistanyň Halk Maslahatynyň Başlygy Gurbanguly Berdimuhamedow bu taslamanyň gurluşygyna owgan raýatlarynyň hem işe çekiljekdigini belledi...

20.10.2025 19:42
22k+

Gurbanguly Berdimuhamedow «Arkadagyň Ak ýoly bilen Serhetabat – Hyrat» gaz geçirijisiniň nobatdaky tapgyryna ak pata berdi

Şu gün, 20-nji oktýabrda Türkmenistanyň Halk Maslahatynyň Başlygy Gurbanguly Berdimuhamedow «Türkmenistan – Owganystan – Pakistan – Hindistan» gaz geçiriji taslamasynyň «Arkadagyň Ak ýoly bilen Serhetabat – Hyrat» gaz geçirijisiniň Owganystanyň Hyrat welaýatyna barýan nobatdaky tapgyryna ak pata berdi...