Alynky Aziýa geçigaplaňy Bathyz döwlet goraghanasynyň çäginde oturdylan gizlin fotokameralara düşürildi. Bu ýabany haýwan (CITES) ýitip gitmek howpy abanýan ýabany faunanyň we floranyň görnüşleriniň halkara söwdasy hakynda Konwensiýanyň I Goşundysyna girizilendir. Bu haýwanyň ýaşaýan çägindäki ähli döwletlerde ol gorag astynda saklanýar.
Gizlin fotokameralar herekete duýgur datçikler bilen enjamlaşdyrylandyr. Bu enjamlar adam gatnaşmazdan, ýakyn aralykdan haýwanlary foto ýa-da wideo düşürip bilýärler. Netijede alynýan maglumatlar alymlar üçin gymmatly gollanma bolup hyzmat edýär.
Bu hili enjamlar Gyzyl kitaba girizilen haýwanlaryň tebigy gurşawda hereketini yzarlamaga mümkinçilik berýär.
Bu hili enjamlaryň ýady 6 aýa çenli ýetýär.
