Hytaýda tas dört ýyl gurluşykdan soň ýurtda iň uzyn suwasty awtomobil tunneli açyldy. Bu barada CNN teleýaýlymy habar berýär diýip, Day.Az belleýär.
Tunnel Şanhaýdan, takmynan, 50 km gündogarda, Szýansu welaýatyndaky Taýhu kölüniň aşagyndan geçip, Suçžou, Usi we Çançžou ulag ýollaryny birleşdirýär. Onuň uzynlygy 10,79 kilometre deňdir.
Teleýaýlymyň maglumatlaryna görä, ini 17,45 m bolan 6 zolakly desganyň gurluşygyna, takmynan, 1,56 mlrd dollar we iki mln kub metrden gowrak beton sarp edildi. Tunneliň ýokarysy yşyk diodly çyralar bilen enjamlaşdyryldy.
2021-nji ýylyň ýanwarynda Ýewropada Helsinkiden Talline çenli Baltika deňziniň aşagyndan geçmeli bolan iň uzyn suwasty demirýol tunneliniň gurluşygy barada söz açyldy. 17 mlrd dollarlyk megatunnel barada 2019-njy ýylda has işjeň gürrüň edildi, ýöne ara alyp maslahatlaşmalardan bir ýyldan soň Talliniň gurluşygyň ekologiki we ykdysady taraplary, şeýle-de howpsuzlyk bilen bagly aladalanmalary sebäpli, Estoniýanyň we Finlýandiýanyň taslamasy togtadyldy. Taslama laýyklykda, tunneliň uzynlygy, takmynan, 100 km, suw astyndaky obýektiň uzynlygy bolsa 50-den 56 km çenlidir.
