JerryRigEverything lakamy bilen tanalýan bloger Zak Nelson ýylyň iň berk smartfonlaryny saýlady. Bu barada Nelson YouTube kanalyndaky wideoda habar berdi. Muny lenta.ru ýetirýär.
Onuň pikiriçe, Fairphone 4 iň ygtybarly telefon boldy. 2021-nji ýylyň oktýabrynda çykarylan enjam ony öý şertlerinde söküp, bejermäge mümkinçilik berýän modul gurluşy bilen tapawutlanýar. Synag wagtynda döwmek başartmadyk iň berk dewaýs Kyocera Duraforce Ultra 5G boldy.
“Iň innowasion smartfon” nominasiýasynda Samsung Galaxy Z Flip 3 ýeňiş gazandy, awtor ony eplenýän ekrany bilen çylşyrymly gurluşy üçin belledi. Bloger “Içinden iň owadan smartfon” baýragyny Legion Duel 2-ä berdi. Bu enjam “Iň gowşak smartfon” nominasiýasynda hem ýeňiji boldy.
Ahyrynda Zak Nelson beýlekilere garanyňda abatlaýyş işine az ýykgyn edýän telefony saýlady. Ol iPhone 13 Pro Max boldy. Awtor Apple flagmanynyň ekranyny we akkumulýatoryny öý şertlerinde çalyşmagyň örän kyndygyny belledi.
