“MMA Junkie” neşiriniň redaksiýasy 2021-nji ýylyň jemi boýunça garyşyk stiliň (MMA) iň gowy söweşijisini saýlady. Tekst neşiriň saýtynda elýeterlidir diýip, lenta.ru habar berýär.
Şeýlelikde, hünärmenler iň gowy söweşiji hökmünde Absolýut söweş çempionatynda (UFC) çykyş edýän Kamaru Usmany saýladylar. 34 ýaşly asly nigeriýaly bolan amerikaly türgen geçen ýyl üç söweşe gatnaşdy. Usman ýarym orta agramda UFC-niň çempiony titulyny üç gezek gorady.
Ol Gilbert Býornsden, Horhe Maswidaldan we Kolbi Kowingtondan üstün çykdy. Usman UFC-de bassyr 15 ýeňişden ybarat tapgyry görkezýär. Ol oktagonda ýene bir üstünlik gazansa, braziliýaly Anderson Silwa bilen deňleşýär.
2019-njy ýylyň mart aýynda Usman Taýron Wudlini nokauta gidirip, onuň diwiziondaky agalygyny bes etdi. Ondan öň Wudli dört söweşiň dowamynda çempion guşagyny saklapdy.
Umuman, Usmanyň hasabynda bir ýeňliş bilen 20 ýeňiş bar.
