Madridiň «Realynyň» öňki tälimçisi Zinedin Zidan 2022-nji ýylyň tomsunda «PSŽ-niň» tälimçiligine bellenip biler. Bu barada RMC Sport neşirine salgylanyp, sports.ru habar berýär.
Has takygy, Zidanyň parižlileriň başyna geçip biljekdigi baradaky maglumaty RMC Sport-yň žurnalisti Daniel Riolo mälim etdi. Ýeri gelende bellesek, ol Lionel Messiniň «PSŽ-ä» geçjekdigini hem öňünden aýdypdy.
"Siz näme isleýärsiňiz? Zidanyň «PSŽ-niň» ýolbaşçysy bolandygyny yglan etmegimimi? Ýeri, oglanlar... Ir bolanda - iýun. 2022-nji ýylyň iýuny. Zidanyň «PSŽ-de» Mbappe bilen işleşmegi-de ähtimal"-diýip, Riola ýazýar.
Zidanyň «PSŽ-ä» geçjekdigi entek belli däl, ýöne bu gürrüň klubda ýygy-ýygydan ara alnyp maslahatlaşylýar. Sebäbi «PSŽ-de» häzirki tälimçi Maurisio Poçettinonyň ýagdaýy durnuksyz bolmagynda galýar.
Mundan başga-da, häzirki wagtda Fransiýanyň milli ýygyndysyna tälimçilik edýän Didýe Deşamyň topara ýolbaşçylyk etmek isleýändigi bellenilýär.
