Beýik Britaniýa bilen Irlandiýa Ýewro-2028-i geçirmek üçin arza bermäge taýýarlanýar

  • 07.01.2022 13:06
  • 3.4k+

Beýik Britaniýanyň we Irlandiýanyň häkimiýetleri 2030-njy ýylda futbol boýunça dünýä çempionatyny geçirmek üçin bäsleşige gatnaşmakdan ýüz öwrüp, Ýewro-2028-i guramak üçin arza bermegi meýilleşdirýärler. “Times” gazetiniň habar bermegine görä, Britaniýanyň futbol ýolbaşçylary dünýä çempionatyna garanyňda, Ýewropa çempionatyny geçirmekde has gowy mümkinçiligiň boljakdygyna ynanýarlar diýip, TASS belleýär.

Beýik Britaniýanyň we Irlandiýanyň hökümetleri mart aýyna çenli arza bilen bagly gutarnykly netijä gelmeli. Bellenilişi ýaly, 2028-nji ýylda Ýewropa çempionaty 32 toparyň (häzirki wagtda ýaryşyň final tapgyrynda 24 ýygyndy bar) gatnaşmagynda geçirilip bilner. 

Deslapky maglumatlara görä, arza Ýewro-2028 üçin sekiz topardan dört toparyň oýunlarynyň Angliýada geçirilmegini, galan dört toparyň oýunlarynyň bolsa pleý-off tapgyrynyň hem birnäçe oýnuny kabul etjek Şotlandiýanyň, Uelsiň, Demirgazyk Irlandiýanyň we Irlandiýa Respublikasynyň arasynda paýlanmagyny göz öňünde tutýar. Şol bir wagtyň özünde, gazetiň belleýşi ýaly, Angliýanyň, Şotlandiýanyň, Uelsiň, Demirgazyk Irlandiýanyň we Irlandiýanyň milli ýygyndylaryna ýaryşa gatnaşmak kepillendirilmez – olar saýlama tapgyry arkaly geçmeli bolarlar.

“Times” 2028-nji ýyldaky Ýewropa çempionatyny geçirmek üçin dalaşgärleriň arasynda Russiýanyň we Türkiýäniň bardygyny hem belleýär.


şu gün 17:10
563

Müsür 2034-nji ýyldaky Dünýä çempionatynyň oýunlaryny kabul etmegi umyt edinýär

Müsüriň futbol assosiasiýasynyň prezidenti Hani Abo Rida FIFA-dan 2034-nji ýyldaky Dünýä çempionatynyň toparlaýyn tapgyrynyň käbir oýunlaryny kabul etmek üçin hukugyň berilmegini haýyş etdi diýip, «Newscentral» habar...

şu gün 12:00
3.3k+

“Real”, “Arsenal”, “Borussiýa” we “Aston Willa” Çempionlar ligasynyň 1/4 finalyna çykdy

Madridiň “Realy” penalti tapgyrynda “Atletikony” utup, Çempionlar ligasynyň 1/4 finalyna çykdy. Şeýle-de, ýaryşyň indiki tapgyryna Dortmundyň “Borussiýasy”, Londonyň “Arsenaly” we Birmingemiň “Aston Willasy” çykdy...

şu gün 06:16
3.9k+

“ManÝunaýted” Britaniýanyň iň uly stadionynyň taslamasyny görkezdi. Bahasy £2 mlrd

“Mançester Ýunaýted” futbol kluby 100 müň orunlyk täze stadionynyň taslamasyny resmi taýdan hödürledi. Ol toparyň köne meýdançasy bolan “Old Traffordyň” golaýynda gurlar diýip, Sky News habar berýär.  Binagär hökmünde...

düýn 18:42
5.9k+

«Arkadag» FK "Ist Bengaly" utup, AFK-nyň Çagyryş ligasynyň ýarym finalyna çykdy

"Arkadag" futbol kluby AFK Çagyryş ligasynyň çärýek finalynyň jogap duşuşygynda öz meýdançasynda "Ist Bengal" hindi  klubundan üstün çykdy. 12-nji martda geçirilen duşuşyk 2:1 hasabynda tamamlady. Hindi topary...