Samsung Electronics kompaniýasy CES 2022 elektronika sergisinde birnäçe täze monitorlary, şol sanda täzelenme tizligi 240 Gers bolan dünýäde ilkinji 4K monitoryny tanyşdyrar. Bu barada astera.ru habar berýär.
Täzelenme tizligi 240 Gers bolan dünýäde ilkinji 4K monitory sergide Samsung-yň esasy täzelikleriniň biri bolar. Quantum Mini LED tehnologiýasynyň esasynda döredilen bu 32 dýuýmlyk panel iň ýokary derejesinde 2000 nit ýagtylyk berýär.
Şeýle hem, sergide Samsung S8 monitory tanyşdyrdylar. Ol iki ölçegde - 27 we 32 dýuýmda köpçülige hödürlener. Bu monitor Underwriters Laboratories standartynyň hasabyna köp wagtlap seretmäge mümkinçilik berer, sebäbi şöhlä garşy ulgam göze düşýän agramy ep-esli azaldar.
Samsung-yň üçünji täzeligi “Smart Monitor M8” bolup, onuň öz programma üpjünçiliginiň bardygy we kompýuterden aýratyn işläp bilýändigi eýýäm mälimdir. Bu monitoryň aýratynlyklary hökmünde kamerasy we özünde gelýän Google Duo programmasy görkezilýär.
