Aktýor Deniel Kreýg Britaniýanyň rysarlyk ordenine mynasyp boldy. Bu barada Beýik Britaniýanyň hökümetiniň web sahypasyna salgylanyp, smotrim.ru habar berdi.
Iňlis aktýory Keramatly Mihailiň we Georginiň rysarlyk ordenine mynasyp boldy. 007 belgili iňlis jansyzy Jeýms Bond hakyndaky filmiň soňky bölüminiň baş gahrymany hem hut şu ordeni dakynypdy. Ýan Flemingiň kitabynda beýan edilýän wakalara görä, Jeýms Bond bu ordeni 1953-nji ýylda alýar. Filmiň soňky bölümi "Ölmegiň wagty däl" diýlip atlandyrylýar.
Kreýg üçin bu orden ilkinji sylag däl. Sentýabr aýynda oňa Beýik Britaniýanyň Korollyk deňiz flotunyň hormatly kommanderi ady hem berlipdi.
Şeýle hem, Kreýgden başga-da birnäçe alymlaryň, syýasatçylaryň, türgenleriň we haýyr-sahawat guramalarynyň işgärleriniň dürli derejeli baýraklara mynasyp bolandygy aýdylýar.
