2021-nji ýylda Huawei hytaý kompaniýasynyň satuwdan alan girdejisi, deslapky hasaplamalara görä, 634 milliard ýuana (takmynan 99 milliard dollara) deň boldy. COVID-19 pandemiýasy we ABŞ-nyň çäklendirmeleri zerarly satuwlar 28,8% azaldy diýip, TASS agentligi kompaniýanyň neşir eden maglumatlaryna salgylanyp habar berýär.
Muňa garamazda, kompaniýa WeChat sosial ulgamdaky sahypasynda «yza çekilmek» meýilleriniň ýokdugyny beýan edýär.
"2022-nji ýylda biz birnäçe çagyryşlara jogap bermeli bolarys. Biz tutuş dünýä boýunça hyzmatdaşlarymyz bilen ýakyn aragatnaşyk saklap, bilelikde kyn döwri ýeňip geçmek üçin ýadawsyz tagallalary ederis» -diýlip habarda aýdylýar.
HHR-niň öňdebaryjy telekommunikasiýa korporasiýasy 2019-njy ýyldan bäri ABŞ tarapyndan girizilen berk çäklendirmeler zerarly agyr basgy astynda galýar.
2020-nji ýylda Huawei-iň arassa girdejisi 64,6 milliard ýuana (10,1 milliard dollar) deň boldy. Ol 2019-njy ýyldaky görkezijiden 3,2 göterim ýokary bolup, satuwdan alnan umumy girdeji ýyllyk hasaplamada 3,8% artyp, 891,4 milliard ýuana (takmynan 139,4 mlrd dollar) ýetdi.
