Hytaý Marsda düşürilen täze suratlary görkezdi

  • 02.01.2022 14:29
  • 20k+

Hytaýyň Milli kosmos müdirligi Täze ýyl sowgady hökmünde Marsdan düşürilen dört sany täze suraty neşir etdi. Fotosuratlar 2021-nji ýylyň fewralyndan bäri Gyzyl planetada «Çžurong» marsahody bilen bilelikde işleýän «Týanwen-1» kosmos saýawany tarapyndan düşürildi. Fotosuratlar CNSA saýtynda elýeterli.

Suratlarda Marsyň fonunda düşen saýawanyň bir bölegini, «Týanwen-1» orbital apparatyň şekilini, Marsyň üstüniň suratyny düşürýän «Çžurong» marsahodyny we planetanyň doňdurylan suwdan we kömürturşy gazyndan ybarat bolan  Demirgazyk polýar şyrdagynyň şekilini görmek bolýar.
Müdirlik enjamlaryň ikisiniň hem kadaly işleýändigini we howpsuzlykdadygyny görkezmek üçin suratlary neşir etdi.

Polýar buzly şyrdakly suratda sowet konstruktory Sergeý Korolýowyň adyny göterýän krater we Olimpiýa meýdany görünýär. Marsahoddan düşürilen suratda planetanyň mahsus relýefini görmek bolýar.

«Týanwen-1» orbital apparatyň ady «Asmana sowallar» diýlip terjime edilýär. 31-nji dekabra çenli ýagdaýa görä, ol 526 gün bäri işleýär we Ýerden 350 mln km uzaklykda ýerleşýär. Suratlary ibermeklik takmynan 19,5 minut wagt aldy.

«Çžurong» marsahody gadymy hytaý mifologiýasyndaky ýalyn hudaýyndan at alýar. Ol Gyzyl planetanyň ady bilen ugurdaş gelýär. Ol planetada 225 mars güni iş alyp barýar (Mars planetasyndan bir günüň ortaça dowamlylygy 24 sagat 37 minut). Bu döwürde marsahod 1400 m aralyk geçdi.
Işiniň tutuş dowamynda enjamlaryň ikisi Mars barada 560 Gb maglumat çöpledi.


17.10.2025 12:18
2.8k+

Hytaýly alymlar bary-ýogy bir atom galyňlykda ýady saklaýjy çip döretdiler

Professor Çunsen Liunyň ýolbaşçylygyndaky hytaýly alymlar topary galyňlygy  bir atoma deň bolan iki ölçegli materiallardan we adaty kremnili arhitekturadan düzülen gibrid ýady saklaýan çip işläp düzdüler. Çibiň sygymy 1 kilobaýt, maglumatlary ýazmak we pozmak wagty bolsa bary-ýogy 20 nanosanýa deň...

15.10.2025 15:13
3.6k+

Hytaýyň Deep Robotics kompaniýasy suw geçirmeýän DR02 gumanoid robotyny görkezdi

Hytaýyň Deep Robotics kompaniýasy DR02 atly gumanoid robotyny tanyşdyrdy. Bu robot çylşyrymly senagat we köçe şertlerinde işlemäge ukyply. Onuň korpusy IP66 standartyna laýyklykda suwdan we tozandan goragly, bu robotyň ýagyşly, tozanly we ýokary çyglylyk şertlerinde işläp bilmegine mümkinçilik berýär...

15.10.2025 14:57
4k+

Hytaýda akylly aýna meýdanly dünýäde ilkinji iki diňli Gün konsentratory işe girizildi

Hytaýda Gansu welaýatynyň Gobi çölünde ýerleşýän we China Three Gorges Corporation tarapyndan gurlan dünýäde ilkinji iki diňli Gün konsentratory işe girizildi, diýip SCMP habar berýär. Toplumda takmynan 27 müň aýna ulanylýar...

08.10.2025 07:29
10k+

Hytaýly alymlar ilkinji gezek Arktikanyň buzunyň aşagyna adam tarapyndan dolandyrylýan çümmek işini geçirdiler

Hytaýly ummany öwrenijiler Arktikanyň buzunyň aşagynda ilkinji adam tarapyndan dolandyrylýan çuňluga çümmek işini geçirdiler. Geçen hepde tamamlanan ekspedisiýa polýar ekoulgamynyň ýagdaýy barada täze maglumatlary berdi diýip, Interesting Engineering ýazýar...