Sportskeeda portaly Lionel Messiniň 2021-nji ýylda goýan rekordlarynyň sanawyny düzdi. Bu barada news.sportbox.ru habar berdi.
- Iýun aýynyň ahyrynda Messi oýnalan oýunlaryň sany boýunça Argentinanyň milli ýygyndysynyň rekordyny goýdy. Häzirki wagta çenli ol milli ýygyndynyň düzüminde jemi 158 oýun oýnady.
- Messi ýedi gezek "Altyn top" baýragyny alan ilkinji futbolçy boldy. Bu ýyl ol baýrak almak ugrundaky ses berişlikde Robert Lewandowskiden we Žoržinýodan öňe geçdi.
- Messi Günorta Amerikanyň milli ýygyndy toparlarynyň iň köp gol geçiren oýunçysy boldy. Ol Dünýä çempionatynyň saýlama oýunlarynda Boliwiýa garşy duşuşykda Argentinanyň düzüminde üç gol geçirip, het-trik etdi we Braziliýanyň meşhur hüjümçisi Peleden öňe geçdi. Messiniň häzirki wagtda milli ýygyndynyň düzüminde 80 goly bar.
- Bu ýyl Messi bir ligada iň köp gol geçiren oýunçy boldy. Pele Braziliýanyň A Seriýasynda 469 gol geçiripdi, 2021-nji ýylda Messi 2005-nji we 2021-nji ýyllar aralygynda La Ligada "Barselona" üçin 474 gol geçirip, Peleniň görkezijisinden öňe geçdi.
- Messi üç aýry onýyllykda “Altyn topy” gazanan ilkinji futbolçy boldy. Messi 2009-njy ýylda 22 ýaşynda - ilkinji, 2021-nji ýylda bolsa 34 ýaşynda ýedinji “Altyn topuny” aldy. Şeýlelik bilen, ol 2000-nji, 2010-njy we 2020-nji onýyllyklarda bu baýraga mynasyp boldy.
