ABŞ-nyň Azyk önümlerine we derman serişdelerine gözegçilik gullugy (FDA) Merk we Ridgeback Biotherapeutics kompaniýalarynyň COVID-19-a garşy Molnupirawir dermanyny tassyklady. Bu barada rbc.ru habar berdi.
FDA ony agyr kesel töwekgelçiligi bolan uly adamlarda alternatiw bejergiler elýeterli däl ýa-da kliniki taýdan kabul ederliksiz mahaly ýeňil we orta derejeli COVID-19-y bejermek üçin ýuwutmak arkaly kabul etmäge rugsat berdi. Ýöne süňkleriň we kekirdewükleriň ösüşine ýaramaz täsir edip biljekdigi sebäpli Molnupirawir tabletkalaryny çagalar we ýetginjekler üçin ulanmak gadagandyr.
Agentligiň habaryna görä, kliniki synaglar wagtynda derman keselleýänleriň we ýogalýanlaryň sanynyň, takmynan, 30% azalýandygyny görkezdi. Barlaga keseliň başlangyç döwründe ýokary töwekgelçiligi bolan adamlar gatnaşdyryldy.
ABŞ-nyň hökümeti her kursuna 700 dollardan töläp, 5 million Molnupirawir kursuny satyn almak üçin şertnama baglaşdy diýip, çeşme ýazýar.
