Niderlandlaryň Milli jemgyýetiň saglygyny goraýyş we daşky gurşaw institutynyň alymlary 5G-niň täsirinden goraýan aksessuarlaryň howpludygy barada aýtdylar. Degişli duýduryş Niderlandlaryň Ýadro howpsuzlygy we radiasiýa goragy boýunça edarasynyň (ANVS) saýtynda ýerleşdirildi diýip, lenta.ru habar berýär.
Gözlegleriň netijesine görä, bileziklerde, kwant bezeglerinde we uky üçin maskalarda ionlaşdyryjy şöhlelenme ýüze çykaryldy. Alymlar bezeg önümlerinde radiasiýanyň ölçeg derejesiniň pesdigini, saglyk bilen bagly meseleleriň ýüze çykma töwekgelçiliginiň uly däldigini bellediler. Şol bir wagtyň özünde uzak wagtlap üznüksiz dakmak soňlugy bilen saglyk üçin zyýanly bolup biler. Hususan-da, ionlaşdyryjy şöhlelenme deriniň gyzarmagyna sebäp bolup biler.
Şunuň bilen baglylykda, sarp edijilere “otrisatel ionlar” bilen doýgun predmetleri ulanmakdan ýüz öwürmek maslahat berilýär. Şol bir wagtyň özünde gollandiýaly düzgünleşdiriji bu duýduryşyň ion howa arassalaýjylaryna degişli däldigini belledi. Şeýle-de, düzüminde radiasiýa materiallaryny saklaýan predmetleriň Niderlandlarda hereket edýän kanuna laýyklykda, satylmagynyň gadagan edilendigi bellenilýär.
