Nissan 5 ýylda elektromobiller we arassa tehnologiýalar üçin 17,6 mlrd dollar maýa goýar

  • 05.12.2021 22:49
  • 7.2k+

Nissan geljek 5 ýylda «ýaşyl» tehnologiýalaryň ösdürilmegine we 23 sany täze awtoulag modelinden (15 elektrokar we 8 gibrid) ybarat giň hataryň işlenip taýýarlanmagyna, takmynan, 17,6 mlrd dollar maýa goýar. Bu meýilnamany Nissan Ambition 2030 atly täze global strategiýa göz öňünde tutýar diýip, tarantas.news habar berýär.

“Nissan Ambition 2030 bilen biz elektrikleşdirmegiň täze eýýamyna gadam basýarys, biz kömürturşy gazy zyňyndylaryny azaltmak we täze iş mümkinçiliklerini açmak üçin tehnologiýalary ösdüreris. Biz Nissan-y müşderilere we jemgyýete hakykatdanam gerek bolan durnukly kompaniýa öwürmek isleýäris” – diýip, Nissan-yň baş müdiri Makoto Utida aýtdy.

Mundan başga-da, 2028-nji ýyla çenli Nissan kompaniýasy energiýa netijeliligi we bir zarýad bilen geçýän ýoly boýunça litiý-ion batareýalaryndan geçjek ýokary sygymly gaty akkumulýatorlar bilen enjamlaşdyrylan innowasion elektrokarlary bazara çykarmagy meýilleşdirýär.

Täze strategiýa Nissan markasyna 5 ýyldan ähli esasy awtobazarlarda elektrokarlaryň we gibridleriň satuwyny ýokarlandyrmaga mümkinçilik berer diýlip meýilleşdirilýär. Hususan-da, Ýewropada Nissan brendiniň satuwynyň 75%-i, Ýaponiýada 55%-i, Hytaýda 40%-i elektrik awtoulaglaryň paýyna düşmeli. ABŞ-da hytaý bazaryndaky ýaly görkezijileri diňe 2030-njy ýyla çenli gazanmak meýilleşdirilýär.


düýn 11:35
1.6k+

Kia elektrokarlaryň eýeleri üçin benzin ysly awtomobil ys berijisini çykardy

Kia kompaniýasy Finlýandiýada ýerli importçy bilen bilelikde elektrik awtoulag eýelerinde içinden ýandyrylýan hereketlendirijili awtoulaglaryň aýratyn ysyna bolan küýsege esaslanyp täsin marketing kampaniýasyny başlady...

düýn 10:57
3.6k+

Tesla 60 müňden gowrak Cybertruck-y yzyna çagyrdy: faralar garşydan gelýän sürüjileriň gözüni gamaşdyrýar

Tesla kompaniýasy garşydan gelýän ulagyň sürüjisini gözüňi gamaşdyryp biljek örän ýiti öň gabara çyralary sebäpli 63 620 sany Cybertruck elektrik pikabyny yzyna çagyrýandygyny habar berdi. Bu barada ABŞ-nyň Ýol hereketiniň howpsuzlygyny dolandyryş Milli gullugy (NHTSA) maglumat berýär...

düýn 09:27
2.9k+

Mercedes-Benz dünýäde iň güýçli 13 kg-lyk elektrik hereketlendirijisini taýýarlady

Mercedes-Benz-iň Britaniýadaky şahamçasy YASA Group täze nesil aksial elektrik hereketlendirijisini hödürledi. Bu görnüşli hereketlendirijiler okunyň ugrunda aýlanýandygy üçin has ykjam bolýar we elektrikli awtoulaglar üçin amatly hasaplanylýar diýip, Interesting Engineering habar berýär...

27.10.2025 09:24
3.5k+

BYD-yň giperkary Nýurburgringde Xiaomi SU7-niň rekordyny täzeledi

BYD konserni Yangwang U9 Xtreme (U9X) elektrik giperkarynyň täze üstünligi barada habar berdi. Kupe Nýurburgring ýolunyň 20,8 kilometrini 6 minut 59,157 sekuntda geçdi. Bu Xiaomi SU7 Ultra sedanyndan 6 sekunt diýen ýaly tizdir...