Geljek ýylyň 24-nji maýynda BMW-niň sport bölümi özüniň 50 ýyllygyny bellär. Şunuň bilen baglylykda, awtoulag öndürijisi öz muşdaklaryna birnäçe aýratyn önümleri hem-de täze modelleri hödürlemekçi bolýar diýip, avtovzglyad.ru ýazýar.
Eýýäm ýanwar aýyndan başlap, kuzowynda M nyşany bolan sport görnüşleri üçin, şeýle hem M Sport paketli adaty awtoulaglar üçin 1973-1978-nji ýyllarda ulanylan üç reňkli ýarym halkaly nusgawy BMW Motorsport logotipi elýeterli bolar.
Ondaky mawy reňk - BMW kompaniýasyny, gyzyl reňk - awtoulag sportuny, benewşe reňk - awtoulag öndürijisi bilen sportuň arasyndaky baglanyşygy aňladýar. Mundan başga-da, ýubileý awtoulaglary şol ýyllardaky reňklerinde hödürlener.
Ýeri gelende bellesek, täze BMW M modelleri 2022-nji ýylda peýda bolar.
