Lionel Messi ýedinji gezek «Altyn topuň» eýesi boldy

  • 30.11.2021 08:59
  • 12k+

Fransiýanyň “Pari Sen-Žermen” futbol klubunyň argentinaly hüjümçisi Lionel Messi “Altyn topuň” – France Football žurnalynyň wersiýasy boýunça ýylyň iň gowy futbolçysyna berilýän baýragyň eýesi boldy. Baýrak gowşurylyş dabarasy Parižiň “Şatle” teatrynda geçirildi. Bu barada TASS habar berýär.

Messi ses bermäniň jemi boýunça 613 utuk gazandy. Ses berişlikde ikinji orny polşaly Robert Lewandowskiý (“Bawariýa, Germaniýa, 580), üçünji orny italiýaly Žoržinýo (“Çelsi”, Angliýa, 460) eýeledi. Onuň yzyndan gelýär: fransiýaly Karim Benzema (“Real”, Ispaniýa, 239) we N’Golo Kante (“Çelsi”, Angliýa, 186), portugaliýaly Kriştianu Ronaldu (“Mançester Ýunaýted”, Angliýa, 178), müsürli Mohammed Salah (“Liwerpul”, Angliýa, 121), belgiýaly Kewin de Brýoýne (“Mançester Siti”, Angliýa, 73), fransiýaly Kilian Mbappe (PSŽ, 58), italiýaly Janluiji Donnarumma (PSŽ, Fransiýa, 36).

2021-nji ýylda Messi Argentinanyň milli ýygyndysynyň düzüminde Amerikanyň kubogynyň ýeňijisi boldy, ýaryşyň ahyrynda ol iň gowy oýunçy diýlip ykrar edildi. Ol “Barselonanyň” düzüminde Ispaniýanyň kubogyny aldy, şeýle-de 30 gol bilen ýurduň çempionatynyň iň gowy bombardiri boldy. Awgust aýynda argentinaly hüjümçi erkin agent hökmünde “PSŽ-e” geçdi we iki ýyllyk şertnama baglaşdy. Ol şu möwsümde “PSŽ” üçin 11 oýna gatnaşyp, dört gol geçirdi we üç netijeli geçirim etdi.

“Altyn top” France Football hepdelik žurnalynyň baş redaktory Gabriel Ano tarapyndan esaslandyryldy. Bu baýrak ilkinji gezek 1956-njy ýylda Angliýanyň “Blekpul” klubunyň oýunçysy Stenli Mettýuza berildi, baýragyň eýesini futbol žurnalistleri kesgitlediler. 

2020-nji ýylda “Altyn top” baýragynyň gowşurylyşy taryhda ilkinji gezek ýatyryldy, munuň sebäbi hem koronawirus pandemiýasy boldy.

Messi “Altyn topuň” ýedinji gezek eýesi boldy, bu rekorddyr. Öň, ol 2009, 2010, 2011, 2012, 2015 we 2019-njy ýyllarda bu baýraga eýe bolupdy. Onuň ýakyn bäsdeşi portugaliýaly Kriştianu Ronaldunyň bäş “Altyn topy” bar (2008, 2013, 2014, 2016, 2017).


düýn 12:10
5.6k+

«Arkadag» FK bassyr üçünji ýyl wagtyndan öň Türkmenistanyň çempiony boldy

«Arkadag» futbol kluby bassyr üçünji ýyl wagtyndan öň Türkmenistanyň futbol çempionatynyň ýeňijisi boldy. Çempionatyň nobatdaky tapgyrynda Aşgabatda geçirilen duşuşykda “Arkadag” “Ahal” toparyndan 1:0 hasabynda üstün çykdy...

düýn 09:55
9.6k+

"Real" soňky bir ýarym ýylda ilkinji gezek "Barselonadan" üstün çykdy

Madridiň «Realy» Ispaniýanyň çempionatynyň 10-njy tapgyrynda öz meýdançasynda «Barselonany» 2:1 hasabynda ýeňdi. Bu duşuşyk futbol taryhynda 262-nji «El-klasiko» boldy. Duşuşygyň eýýäm 2-nji minutynda katalonlylaryň derwezesine penalti bellenildi, emma soňra bu karar ýatyryldy...

26.10.2025 18:26
8k+

Lionel Messi “Altyn butsy” aldy we MLS-de gol boýunça rekord goýdy

“Inter Maýaminiň” hüjümçisi Lionel Messi MLS-iň yzygiderli möwsüminiň iň gowy bombardiri hökmünde “Altyn butsy” aldy. 38 ýaşly argentinaly oýunça baýrak pleý-offuň 1/8 finalynyň “Neşwill” bilen oýnundan öň gowşuryldy...

26.10.2025 18:23
4.9k+

“Barselona” Uber bilen hemaýatkärlik şertnamasyny baglaşdy

“Barselona” futbol kluby taksi gözlemek we sargyt etmek boýunça Uber hyzmaty bilen hyzmatdaşlygyň başlandygyny habar berdi. Şertnama 2027-nji ýyla çenli hereket eder we Mundo Deportivo neşiriniň maglumatlaryna görä, kluba ýylda, takmynan, 1 mln ýewro getirer...