Häzirki wagtda Apple-iň Türkiýedäki onlaýn dükanyndan hiç zat satyn alyp bolmaýandygy baradaky maglumatlar Internetde peýda boldy. Muny 9to5Mac salgylanyp, pcnews.ru habar berdi.
Apple-iň Türkiýedäki onlaýn dükanyna girip göreniňde, göräýmäge ähli zat öňki-öňkülik, hiç hili üýtgeşme ýok ýaly duýulýar. Aslynda welin bu beýle däl. Munuň üçin käbir gadjetleri sebete goşmaga synanyşmak ýeterlikdir, sebäbi platforma muny etmäge rugsat bermez diýip, çeşme belleýär.
9to5Mac-daky işgärleriň käbiriniň pikiriçe, munuň sebäbi Türkiýedäki käbir ykdysady kynçylyklar bilen baglanyşykly. Iň soňky maglumatlara görä, häzirki wagtda ýurtda milli puluň hümmetiniň pese gaçma derejesi 20%-e ýetýär.
Liranyň 2018-nji ýyldan bäri durnuksyz negatiw tendensiýany görkezýändigi bellenilýär.
Öň, Tmcars.info türk lirasynyň nobatdaky pese gaçyş rekordyny täzeländigi hakynda ýazypdy.
