2030-njy ýyla çenli Nissan-yň Ýewropadaky satuwynyň 80%-i elektromobilleriň we gibridleriň paýyna düşer

  • 27.11.2021 08:21
  • 6.5k+

Ýaponiýanyň Nissan awtoöndürijisi elektrokarlaryň önümçiligine maýa goýumlaryny 30% artdyrmagy maksat edinýär diýip, “Nikkei Asia” neşiri ýazýar. Muny incrussia.ru ýetirýär. Kompaniýa 2030-njy ýyla çenli satuwynyň ýarysyndan gowragynyň elektrik ýa-da gibrid hereketlendirijili awtomobilleriň paýyna düşmegini isleýär.

Täze maýa goýumlary batareýalaryň önümçiligini ýokarlandyrmaga, şeýle-de täze ulag modellerini işläp taýýarlamaga gönükdiriler. Nissan 2026-njy ýyla çenli ýene 10 modeli çykarmagy meýilleşdirýär. Kompaniýa Renault we Mitsubishi Motors bilen hyzmatdaşlykda elektrokarlar üçin batareýalary satyn almagyň hasabyna bahalary pese düşürmegiň üstünde işlär. Häzirki wagtda batareýalar awtomobilleriň bahasynyň, takmynan, 30-40%-ini emele getirýär.

Nissan-yň Beýik Britaniýada ýerleşýän ýeke-täk ýewropa zawody elektrokarlary we gibrid awtomobilleri döretmek üçin gaýtadan enjamlaşdyrylar. Şeýle-de, kompaniýa awtomobilleriň elektrikleşdirilmegini çaltlaşdyrmak üçin maýa goýar. Soňky 10 ýylda Nissan bu pudaga, takmynan, 26 mlrd dollar maýa goýdy.

Nissan-yň meýilnamalary boýunça, onýyllygyň ahyryna çenli Hytaýda satylýan ulaglaryň 50%-i, Ýewropada 80%-i elektrik ýa-da gibrid bolar. 2019-njy ýylda awtomobilleriň global satuwynyň, takmynan, 10%-i elektromobilleriň paýyna düşdi, şol bir wagtyň özünde Hytaýda bu görkeziji 2%, Ýewropada 10% boldy. 

Häzirki wagtda Hytaý Nissan üçin iň uly bazardyr: 2020-nji ýylda kompaniýa ýurtda 1,45 mln awtomobil satdy, Ýewropada degişli döwürde 390 müň awtomobil satyldy. Bu bazarlaryň ikisi-de ýaponiýaly awtoöndürijiniň dünýädäki satuwynyň ýarysyny emele getirdi.


29.07.2025 12:09
3.4k+

BYD Galaxy Watch akylly sagatlaryny öz ulaglary üçin açar edip ulanar ýaly etdi

Hytaýyň BYD awtoulag öndürijisi hytaý brendleriniň içinde ilkinji bolup Samsung Galaxy Watch akylly sagatlarynda sanly düwmelere goldawy ornaşdyrdy. NFC tehnologiýasyny ulanýan bu funksiýa häzirlikçe diňe Hytaýda bar, ýöne geljekde beýleki bazarlarda hem peýda bolup biler diýip Sammobile ýazýar...

28.07.2025 13:47
3.5k+

Toyota Indoneziýada bZ4X elektrokrossoweriniň önümçiligine başlar

Toyota kompaniýasy Indoneziýada täzelenen bZ4X elektrik krossoweriniň ýerli önümçiliginiň başlandygyny habar berdi. Bu barada GIIAS 2025 awtoulag sergisinde öndürijiniň wekilleri habar berdiler. Bu markanyň ýurtda ýygnalýan ilkinji elektrik ulagy bolar...

25.07.2025 11:46
5.3k+

Nissan hereketlendirijiniň kemçilikleri sebäpli 444 müňe golaý ulagyny yzyna çagyrýar

ABŞ-nyň Milli ýol hereketiniň howpsuzlygy dolandyryş gullugy (NHTSA) 12 sany ýangyn ýa-da heläkçilik ýaly VC-Turbo hereketlendirijisi bilen baglanyşykly 1900 hadysanyň üstüni açdy. Bu üýtgeýän gysyşly hereketlendirijiler 2019-2024-nji ýyllar aralygynda öndürilen Nissan Rogue-de, Altima-da, Infiniti QX50-de we QX55-de oturdyldy...

24.07.2025 10:35
8.6k+

Huawei täze Luxeed R9 krossowerini synagdan geçirýär, ýöne kynçylyklar bar

Huawei-iň Chery bilen hyzmatdaşlykda döreden Luxeed R9 flagman elektrik krossoweri ilkinji gezek ýol synaglary wagtynda görüldi. Modeliň ilkinji görkezilişi noýabr aýyna meýilleşdirildi. Awtoulagyň dizaýnynda brendiň firma stili görkezilýär: ýaýbaň kapot, "Starlight" bezeg elementleri we uniwersaly ýada salýan uzap gidýän kuzow...