«Formula-1-e» ilkinji gezek hytaýly sürüji gatnaşar

  • 18.11.2021 16:12
  • 2.4k+

«Formula-1-de» 2022-nji ýylyň möwsümi üçin ähli toparlaryň düzümi belli boldy. Diňe “Alfa Romeo” doly derejede taýýar däldi diýip, Day.az habar berýär.

Ýöne täzelikde ikinji sürüjiniň hytaýly Guanýuý Çžou boljakdygy belli boldy. Ol “Formula-1-de” öz ýurdunyň ilkinji wekili bolar. 
Belläp geçsek, 22 ýaşly sürüji “Alpin” akademiýasynyň talybydyr. Ol “Formula-3-de” iki möwsümi we “Formula-2-de” ýene üç möwsümi geçirdi. Onuň “Alfa Romeo” alynmagynyň esasy sebäbi puldur. Radio Monte-Carlo Motori-niň habar bermegine görä, Çžou italiýalylara, takmynan, 35 mln dollar getirer.
Alfa Romeo-da hytaýly sürüji Italiýanyň wekili Antonio Jowinassiniň ornuny çalşyrar. Çžounyň topardaşy häzirki wagtda “Mersedesde” çykyş edýän finlýandiýaly Waltteri Bottas bolar.

2022-möwsümi üçin sürüjileriň doly düzümi:

  • “Mersedes” – Lýuis Hemilton we Jorj Rassel;
  • “Red Bull” – Maks Ferstappen we Serhio Peres;
  • “Ferrari” – Şarl Lekler we Karlos Saýns;
  • “Maklaren” – Lando Norris we Daniel Rikkardo;
  • “Alpin” – Fernando Alonso we Esteban Okon;
  • “Alfa Tauri” – Pýer Gasli we Ýuki Sunoda;
  • “Alfa Romeo” – Waltteri Bottas we Guanýuý Çžou;
  • “Uilýams” – Aleks Albon we Nikolas Latifi;
  • “Hass” – Nikita Mazepin we Mik Şumaher.

27.10.2025 14:39
1.5k+

Formula-1-iň lideri çalyşdy: Norris şahsy hasapda topardaşy Piastriden geçdi

Meksikada ýerleşýän "Doganlar Rodriges adyndaky awtodrom" ýokary belentlikdäki ýolda Formula-1 dünýä çempionatynyň 20-nji tapgyry — Meksikanyň Gran-prisi geçirildi. Bu ýaryşda «McLaren» toparynyň britaniýaly sürüjisi Lando Norris ýeňiş gazanyp, karýerasynyň iň güýçli çykyşlarynyň birini görkezdi...

26.10.2025 09:40
4.3k+

SportsPro 2025-nji ýylyň iň köp gyzyklanma bildirilýän türgenleriniň reýtingini hödürledi

SportsPro žurnaly 2025-nji ýylyň iň köp isleg bildirilýän türgenleriniň reýtingini hödürledi. Sanawy düzüjiler isleg görkezijisini üç ölçeg: şahsy brendiň güýji, ykdysady mümkinçilikler we elýeterli bazar gurşawy, ýagny öz sport görnüşinde gazanç mümkinçiligi boýunça hasaplady...

20.10.2025 14:04
1.5k+

Werstappen ABŞ-nyň Gran-prisini utup, çempionatda Piastriden aratapawudyny azaltdy

19-njy oktýabrda, ýekşenbe güni Ostindäki Circuit of the Americas ýaryş ýolunda Formula-1 çempionatynyň 19-njy tapgyry – ABŞ-nyň Gran-prisi geçdi. Onda “Red Bulluň” niderlandly sürüjisi Maks Werstappen ýeňiş gazandy...

19.10.2025 16:46
1.5k+

Apple ABŞ-da “Formula-1-i” ýaýlyma bermek üçin 750 mln dollara hukuk satyn aldy

Apple ABŞ-da “Formula-1” ýaryşlaryny ýaýlyma bermek üçin aýratyn hukuk satyn aldy. Bu barada çempionatyň metbugat gullugy habar berýär. Hyzmatdaşlyk barada şertnama bäş ýyl möhlet bilen baglaşyldy. Variety neşiriniň maglumatlaryna görä, şertnamanyň bahasy, takmynan, 750 mln dollar boldy...