Gazagystanda milli ilat ýazuwy tamamlandy

  • 13.11.2021 09:43
  • 8.9k+

Gazagystanyň premýer-ministri Askar Mamin hökümet ýygnagyny geçirdi we onuň çäginde tamamlanan milli ilat ýazuwynyň meselelerine garaldy. Bu barada premýer-ministriň metbugat gullugy habar berýär diýip, centralasia.news belleýär.

Statistika baradaky döwlet edarasynyň ýolbaşçysy Nurbolat Aýdapkelow ilat ýazuwy boýunça işleriň tamamlanandygyny aýtdy. Ol gazagystanlylaryň 60%-iniň hut özünden sorag edilendigini habar berdi. Gazagystanda ilkinji gezek adamlar baradaky maglumatlary köpçülikleýin hasaba almak işi sanly tehnologiýalar arkaly geçirildi. Ilatyň galan 40%-i ilat ýazuwyna özbaşdak gatnaşyp, özleri baradaky maglumatlary degişli internet çeşmesinde ýerleşdirdiler.

Ilat barada maglumat ýygnamaga hasaba alyjy işgär hökmünde jemi 25 müň meýletinçi, ýerlerdäki we milli statistikanyň merkezi ştabyndaky bölüm işgärleri gatnaşdy. Ähli barlaglar gutarandan soň deslapky netijeleriň dekabr aýynyň ahyryna çenli jemlenjekdigi mälim edildi.

Hökümet baştutany kyn epidemiologik şertlerde geçen düýpli respublika marafonynyň ýokary derejeli guramaçylygyny belledi. Şu nukdaýnazardan Askar Mamin bu çärä işjeň gatnaşandyklary üçin watandaşlaryna we statistika edarasynyň hünärmenlerine gowy işleri üçin minnetdarlyk bildirdi.


22.05.2025 12:53
7.2k+

Gazagystana Merkezi Aziýada ilkinji superkompýuter getirildi

Gazagystana öndürijiligi, takmynan, 2 ekzaflops bolan sebitiň taryhynda ilkinji superkompýuter klasteri getirildi. Bu barada respublikanyň Sanly ösüş, innowasiýa we aerokosmos senagaty ministrliginiň metbugat gullugy habar berdi...

06.02.2025 09:43
1.6k+

Zamananyň opera ýyldyzlary Dimaş Kudaýbergen bilen meşhur “My Way” aýdymyny ýazdy

Dünýä belli tenorlar Plasido Domingo we Hose Karreras, meşhur gazagystanly aýdymçy Dimaş Kudaýbergen we wiolonçel çalýan Stepan Hauzer “Virtuosos” taslamasynyň çäklerinde özboluşly kwarteti emele getirdi. Olar...

15.10.2024 13:55
2.7k+

2026-njy ýylda “Geljegiň oýunlaryny” Gazagystan kabul eder

Üçünji “Geljegiň oýunlary” 2026-njy ýylda Gazagystanda geçiriler. Bu barada guramaçylar ýaryşyň resmi saýtynda habar berdi. Kazanda (Tatarstan RF) geçirilen birinji oýunlarda Russiýanyň Prezidenti Wladimir Putin...

09.10.2024 12:00
1.9k+

Aşgabatda Gazagystanyň Medeniýet günleri geçirilýär

7-9-njy oktýabrda Aşgabatda Gazagystan Respublikasynyň Medeniýet günleri geçirilýär. Medeniýet günleriniň baý maksatnamasy köpdürli çäreleri öz içine alýar hem-de gazak halkynyň medeniýetiniň, sungatynyň gazananlary...