“Mona Lizanyň” takyk nusgasy Fransiýada auksiona çykaryldy

  • 07.11.2021 23:20
  • 10k+

Asyl nusgasy italiýaly suratkeş Leonardo da Winçi tarapyndan çekilen we häzirki wagtda Luwrda saklanýan meşhur “Mona Liza” suratynyň takyk nusgasy 9-njy noýabrda Pariždäki Artcurial auksionynda satylar. Bu barada TASS habar berýär.

“Artcurial “Mona Lizanyň” aýratyn nusgasyny hödürleýär” – diýlip, fransuz auksion öýüniň saýtynda ýerleşdirilen habarda aýdylýar. Onda bu nusganyň, takmynan, 1600-nji ýylda çekilendigi we onuň awtorynyň asyl nusga ygtyýarynyň bolandygy, şol sebäpli iki suratyň meňzeşdigi bellenilýär. Suratyň bahasy 173 dollardan 230 müň dollar aralygynda üýtgeýär.

Reuters agentliginiň belleýşi ýaly, da Winçiniň bu eseriniň XVII asyrda döredilen başga bir nusgasy şu ýylyň iýun aýynda Pariždäki Christie’s auksionynda 2,9 mln ýewro satyldy. Italiýaly ussadyň “Dünýäni halas ediji” suraty bolsa auksionlarda satylanlaryň arasynda iň gymmat surat boldy. Onuň asyl nusgasy 2017-nji ýylyň noýabr aýynda Nýu-Ýorkdaky Christie’s auksionynda 450 mln dollara satyldy.

“Mona Liza” dünýädäki iň meşhur surat eserleriniň biridir. Leonardo da Winçi “Mona Lizany” Florensiýada çekýär, ýöne 1516-njy ýylda suraty Fransiýa öz ýany bilen alyp gidýär. 1519-njy ýylda suratkeşiň ölüminden soň portreti Fransiýanyň koroly Fransisk I alýar. Surat Lýudowik XIV-niň döwrüne çenli Fontenblo galasynda saklanýar. Ol suraty Wersal köşgüne getirýär, XVIII asyryň ahyrlarynda fransuz rewolýusiýasyndan soň ol Luwra geçirilýär.


26.07.2025 16:38
1.5k+

Microsoft Pariždäki Notr-Dam-de-Pari ybadathanasynyň sanly nusgasyny döreder

Microsoft kompaniýasy Fransiýanyň hökümeti bilen bilelikde Pariždäki Notr-Dam-de-Pari ybadathanasynyň sanly nusgasyny döreder. Bu barada Microsoft-yň prezidenti Bred Smite salgylanyp, Reuters agentligi habar berýär...

16.07.2025 13:34
4.8k+

Bawariýanyň galalary, Karnak megalitleri we Minos köşkleri ÝUNESKO-nyň sanawyna girizildi

ÝUNESKO Bütindünýä mirasynyň sanawyna täze desgalary, şol sanda Fransiýadaky Karnak megalitlerini, Germaniýadaky patyşa Lýudwig II-niň galalaryny we Kritdäki Minos köşk toplumlaryny goşdy. Çözgüt ylmy gözlegler we tanyşdyryşlar bilen birlikde berlen arzalar gözden geçirilenden soň kabul edildi...

07.07.2025 10:59
7.8k+

Parižde 1923-nji ýyldan bäri ilkinji gezek Senada suwa düşmäge rugsat berdiler

Fransiýanyň paýtagtynda 1923-nji ýyldan bäri ilkinji gezek Sena derýasynda suwa düşmäge resmi taýdan rugsat berildi. 5-nji iýuldan başlap parižliler we şäheriň myhmanlary üç sany ýörite enjamlaşdyrylan ýerde suwa düşüp bilerler diýip, France 24 habar berýär...

25.05.2025 18:34
14k+

Fransiýada fermer melleginden 4 mlrd dollarlyk altyn tokgalaryny tapdy

52 ýaşly fransiýaly fermer Mişel Dýupon öz melleginden sap altyn böleklerini tapdy. Deslapky hasaplamalara görä, onuň ýerinde, takmynan, 150 tonna altyn bolup biler. "Mirror" neşiriniň habaryna görä, Tapyndynyň bahasy 3 milliard funt sterling (4 milliard dollardan gowrak) diýip hasaplandy diýip, Mirror neşiri ýazýar...