Hytaýda şahsy maglumatlary goramak baradaky kanun güýje girdi

  • 01.11.2021 23:31
  • 3.1k+

Hytaýda şahsy maglumatlary goramak baradaky kanun güýje girdi. Bu resminama bir ýyl jemgyýetçilik maslahatyndan soň Ählihytaý halk wekilleriniň ýygnagynyň hemişelik komiteti tarapyndan awgust aýynda kabul edildi diýip, TASS habar berýär.

Kanun “aýratynam, onlaýn platformalaryny ulanyjylaryň şahsy maglumatlarynyň goragyny güýçlendirmäge gönükdirilen düzgünleri aýdyňlaşdyrýar” diýip, Sinhua agentligi belleýär. Kanuna laýyklykda, şahsy maglumatlary ýygnamak, ulanmak, gaýtadan işlemek we satmak işi “berk gözegçilikde saklanar, islendik düzgün bozmalar jezalandyrylar”.

Uly möçberli şahsy maglumatlary ulanmak bilen biznes çözgütleri kabul edilende, kompaniýalara ulanyjylar baradaky maglumatlara esaslanýan baha differensiasiýasy ýaly sarp edijileriň bähbitlerine zyýan ýetirýän diskriminasion amallar gadagan edilýär diýlip, kanunda görkezilýär. Resminama köp sanly ulanyjysy bolan onlaýn platformalaryň mundan beýläk müşderileriň şahsy maglumatlarynyň hyýanatçylykly ulanylmagyna ýol bermezlik üçin bu platformalardan peýdalanýan serwisler bilen özara gatnaşyklaryň “jikme-jik aýdyňlaşdyrylan düzgünlerine” esaslanmalydygyny kesgitleýär. 


düýn 19:56
5.7k+

Hytaýda soňky 30 ýylda ilkinji gezek dýugon göründi: bu jandar ýitip giden hasaplanypdy

Hytaýda Günorta-Hytaý deňziniň Nanşa arhipelagyndaky Ýunşu rifiniň töwereginde 2022-nji ýylda ýurtda resmi taýdan ýitip giden diýlip ykrar edilen suw süýdemdirijileriniň bir görnüşi – dýugon göründi. Bu barada China Daily habar berýär...

18.08.2025 16:02
3.1k+

Hytaýdan totuguş Sýaoguý reňkleri tapawutlandyrmak ukyby bilen Ginnesiň kitabyna girdi

Hytaýdan totuguş Sýaoguý reňkleri çalt tapawutlandyrmak başarnygy bilen Ginnesiň rekordlar kitabyna girdi. Ol 10 reňkden ybarat ýumuşdan 33,5 sekuntda baş çykaryp, guşlaryň arasynda iň gowy netijäni görkezdi. Synag wagtynda Sýaoguýa 10 sany kiçiräk gap we şol bir reňklerdäki 10 top berildi...

01.08.2025 17:51
4.4k+

Apple-iň Hytaýdaky ilkinji öňdebaryjy dükany işlemegini bes eder

Apple kompaniýasy Hytaýyň Dalýan şäherindäki flagman dükanynyň ýapyljakdygyny mälim etdi. Ol 9-njy awgustda işlemegini bes eder diýip, 21st Century Business Herald gazeti habar berdi. Dükan 2015-nji ýylyň oktýabrynda açylyp, amerikan tehnologiýa ägirdiniň Dalýanda ilkinji we Lýaonin welaýatynda ikinji resmi dükany bolupdy...

30.07.2025 14:46
9.8k+

Hytaýyň Hunan şäherindäki uniwersitetde kebap taýýarlamagy hünär hökmünde öwredip başladylar

Hytaýyň Ýueýan şäherinde (Hunan welaýaty) kebapçy aşpezleri taýýarlaýan dünýäde ilkinji kollej açyldy. Okuw jaýy ýerli hökümetiň we Ýueýan barbekýu birleşiginiň goldamagynda Ýueýanyň Açyk Uniwersitetiniň düzüminde döredildi diýip, China Daily portaly habar berýär...