Klublaýyn dünýä çempionaty 2022-nji ýylyň başynda BAE-de geçiriler

  • 24.10.2021 14:32
  • 3.8k+

Halkara futbol federasiýasynyň (FIFA) prezidenti Janni Infantino nobatdaky Klublaýyn dünýä çempionatynyň 2022-nji ýylyň başynda BAE-de geçiriljekdigini mälim etdi. Bu barada rsport.ria.ru habar berdi.

Ozal Klublaýyn dünýä çempionatyny Ýaponiýada geçirmek meýilleşdirilipdi. Sentýabr aýynda Ýaponiýa koronawirusyň ýaýramagy sebäpli 9-19-njy dekabr aralygynda geçiriljek Klublaýyn dünýä çempionatyndan ýüz öwürdi. Soňra ýurduň ilatyna sanjym etmegiň zerurlygy sebäpli Günorta Afrika hem ondan boýun gaçyrdy.

"Klublaýyn dünýä çempionatyny Ýaponiýadan Birleşen Arap Emirliklerine, 2022-nji ýylyň başyna geçirmeli diýlip karara gelindi" diýip, Infantino FIFA-nyň geňeşinden soň geçirilen metbugat ýygnagynda aýtdy.

"Afrika barada aýdanymyzda, ol ýerde oýna uly höwes we ajaýyp zehinler bar. Zerur infrastrukturanyň ýola goýulmagy bilen, Afrikada futbolyň ösjekdigine ynanýaryn" diýip, Infantino žurnalistlere gürrüň berdi.


şu gün 00:59
967

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...

şu gün 00:20
1.3k+

UEFA Çempionlar ligasynyň finalynyň başlanýan wagtyny öňe süýşürdi

UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar...

düýn 13:20
4.8k+

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy

“Mançester Ýunaýted” ikinji tapgyrda “Grimsbi Taundan” utulandan soň (2:2, penalti boýunça 11:12) Angliýanyň ligasynyň kubogyndan çykdy. Squawka portalynyň habar bermegine görä, bu taryhda klubuň ýaryşda dördünji diwiziondaky garşydaşdan ilkinji gezek utulmagy boldy...

düýn 12:35
4.4k+

Messi “Inter Maýamini” MLS + MX ligalarynyň kubogynyň finalyna çykardy

MLS (ABŞ we Kanada) we MX ligasynyň (Meksika) klublarynyň arasyndaky futbol boýunça demirgazyk amerikan ýaryşynyň – Ligalaryň kubogynyň ýarym final oýunlary geçirildi. Aýgytly oýunda kubok ugrunda göreşmek hukugyny “Inter Maýami” we “Sietl Saunders” gazandy...