YouTube göni ýaýlymlaryň dowamynda wideodan söwda etmek funksiýasyny synagdan geçirer. Bu barada kompaniýanyň resmi blogynda habar berilýär diýip, daily.afisha.ru belleýär.
15-nji noýabrda wideo hyzmaty “onlaýn-söwda hepdeligine” başlar. Platforma tarapyndan saýlanan strimerler göni ýaýlymda harytlar barada gürrüň bererler, ulanyjylar bolsa kataloga göz aýlap, “sebet” düwmesiniň üsti bilen halan zatlaryny satyn alyp bilerler.
Harytlary bu başlangyja gatnaşjak kompaniýalaryň arasynda Samsung we Walmart bar. Häzirlikçe YouTube ulanyjylaryň haýsy ýurtlarda söwda etmäge mümkinçiliginiň boljakdygyny habar bermeýär.
YouTube sosial ulgamlary we onlaýn-söwda kanallaryny birleşdirmek tendensiýasyny dowam etdirýär. Instagram platformasy bolsa 2019-njy ýylda programmanyň içindäki neşirler arkaly söwdany amala aşyrmak mümkinçiligini ýola goýdy.
YouTube dünýäde iň köp girilýän internet portallaryň biri bolmak bilen, ulanyjylara wideo ýazgylaryny we wideo ýaýlymlaryny hakyky wagtda neşir etmäge mümkinçilik berýär.
