Kuba ýylyň ahyryna çenli 100 müňden gowrak daşary ýurtly syýahatçyny kabul etmegi göz öňünde tutýar

  • 21.10.2021 17:40
  • 3.2k+

Kubanyň häkimiýetleri giriş çäklendirmeleri gowşadylandan soň ýylyň ahyryna çenli 100 müňden gowrak daşary ýurtly syýahatçynyň bu ýurda gelmegine garaşýarlar. Bu barada respublikanyň Syýahatçylyk ministri Huan Karlos Garsia Granda metbugat konferensiýasynda aýtdy diýip, TASS habar berýär. 

“Biz ýylyň ahyryna çenli ýurda 100 müňden gowrak adamyň gelmegine garaşýarys, ýylyň başyndan bäri bize 200 müň syýahatçy geldi. Bu görkeziji bazara bagly, ýöne biz optimistik garaýarys” – diýip, edaranyň ýolbaşçysy belledi. 2019-njy ýylda bu ýurda 4,75 milliona golaý daşary ýurtly syýahatçy bardy.

Garsianyň aýtmagyna görä, noýabr aýynyň ortalaryndan ýaşamak üçin, takmynan, 4 müň sany täze otag işe giriziler, şeýle-de koronawirusa garşy ýerli serişdeler bilen sanjym almak mümkinçiligi hödürlener. 25-nji oktýabrdan kubaly raýatlar üçin dynç alyş zolaklarynyň köpüsi açyk bolar.

Kubanyň häkimiýetleri 15-nji noýabrdan ýurduň daşary ýurtly syýahatçylar üçin doly açyljakdygyny habar berdi. Kesel hadysalarynyň azalýandygy sebäpli, Gawananyň ýolbaşçylygy kenarlary açmak, şeýle-de sport klublaryna we basseýnlere işlemäge rugsat bermek kararyna geldi. 

7-nji noýabrdan adanyň häkimiýetleri ýurda gelenlerinden soň daşary ýurtly syýahatçylar üçin hökmany karantini ýatyrdy, 15-nji noýabrdan bolsa girişde koronawirus üçin PZR-barlagy hem ýatyrylar. Sanjym alan syýahatçylar ýurda gelenlerinde sanjym şahadatnamasyny görkezmeli bolarlar, koronawirusa garşy sanjym almadyklar bolsa ýurda gelmezden 72 sagat öň geçirilen PZR-barlagyň otrisatel netijesi barada kepilnama bermeli bolarlar. 


şu gün 08:02
609

Tailandda syýahatçylar kriptowalýutalaryny milli pullaryna çalşyp bilerler

Tailandyň hökümeti daşary ýurtly syýahatçylaryň kriptowalýutalaryny bat puluna (taý milli puly) çalşyp, ýurtda syýahat edýän wagty harçlamaga mümkinçilik berjek TouristDigiPay atly täze programmasyny işe girizer diýip, Bloomberg habar berýär...

düýn 16:15
3k+

Tokio iş bilen dynç alşy utgaşdyrmak üçin şäherleriň reýtinginde birinji orny eýeledi

Ýaponiýanyň paýtagty 2025-nji ýylda uzak aralykdan işi we dynç alşy utgaşdyrmak üçin iň gowy şäherleriň reýtinginde birinji orny eýeledi. Bu barada Şweýsariýanyň International Workplace Group (IWG) kompaniýasy tarapyndan taýýarlanan Anywhere Barometer gözleginde habar berilýär...

16.08.2025 23:34
11k+

Hytaýda 300 metrlik kert gaýada kitap dükany açyldy

Hytaýyň Heçi okrugynda (Guansi-Çžuan awtonom sebiti) 300 metrlik kert gaýada gurlan kitap dükany açyldy. Bu barada News-Asia neşiri ýazýar. Dükan 2025-nji ýylyň maýynda işläp başlady we birnäçe aýyň içinde 100 müňden gowrak myhmany özüne çekdi...

16.08.2025 18:15
7.9k+

Türkiýäniň üç sany awiakompaniýasy uçuş wagtynda powerbanklary ulanmagy gadagan etdi

"AJet" türk awiakompaniýasy uçuş wagtynda kuwwaty 100 watt-sagatdan ýokary bolan powerbanklary ulanmagy gadagan etdi. Mundan ozal şeýle çäklendirmeleri Turkish Airlines we Pegasus hem girizipdi diýip, Anadolu agentligi habar berýär...