2021-nji ýylyň dekabr aýyndaky üpjünçilik bilen Brent söwda belgili nebit üçin fýuçers bahasy Londonyň ICE biržasynda 2,59% ýokarlanyp, bir barrele 81,46 dollara ýetdi. Muny Aşgabat wagty bilen 18:45-de söwda meýdançasynyň maglumatlary delillendirýär.
19:24-e çenli Brent söwda belgili nebit barreline 81,34 dollar derejesinde (+2,6%) satyldy. Iň soňky gezek Brent nebitiniň bahasy 2018-nji ýylyň oktýabr aýynda bir barrele 81 dollardan geçipdi. Bu barada TASS habar berýär.
Nebitiň bahasy OPEK+ guramasynyň noýabr aýynda bir günde 400 müň barrel nebit önümçiliginiň dikeliş depginini saklamak baradaky karary netijesinde ösmegini dowam etdirýär.
WTI söwda belgili nebit üçin fýuçers bahasy 2,42%, barreline 77,72 dollara çenli ýokarlandy.
