Ýaponiýanyň häkimlik ediji Liberal-demokratik partiýasy (LDP) täze lideri saýlady, ol öňki Daşary işler ministri Fumio Kisida boldy. Jenap Kisida premýer-ministr wezipesinde Ýosihide Suganyň ornuny çalşyrar. Bu barada kommersant.ru habar berýär.
Kisida ikinji tapgyrda 427 sesden 257-sini aldy. Partiýanyň başlygy wezipesi üçin Ýaponiýanyň DIM-iň we Goranmak ministrliginiň eks-ýolbaşçysy Taro Kono hem bäsleşdi. Ol 170 ses gazandy. Şeýlelik bilen, Kisida LDP-niň täze başlygy wezipesini alar hem-de ýakyn wagtda Ýaponiýanyň täze, hasap boýunça 100-nji premýer-ministri bolar.
Fumio Kisida 4-nji oktýabrda parlament tarapyndan resmi taýdan tassyklanylar. LDP-niň başlygynyň saýlanmagy premýer-ministr Ýosihide Suganyň ygtyýarlyk möhletiniň tamamlanmagy bilen bagly geçirilýär. Ol bu wezipäni geçen ýyl Sindzo Abeniň duýdansyz işden çykmagy sebäpli eýeledi. Sentýabr aýynda Ýosihide Suga LDP-niň başlygy wezipesi üçin saýlawlara gatnaşmajakdygyny, sebäbi koronawirusyň ýaýramagyna garşy göreş çärelerine üns bermekçidigini aýtdy.
