Ýewropada gazyň bahasy 29-njy sentýabrda söwdanyň dowamynda 1 müň kub metr üçin 1 000 dollardan ýokary derejede saklandy we geçen agşam 950 dollara çenli üýtgänden soň, 1 040 dollardan geçdi. Muny ICE biržasynyň maglumatlary delillendirýär diýip, TASS habar berýär.
Şeýlelikde, Niderlandlardaky TTF merkezinde noýabr fýuçersiniň bahasy 1 müň kub metr üçin 1 045 dollara çenli ýokarlandy, günüň başyndan bäri gazyň bahasynyň umumy ösüşi, takmynan, 8% boldy.
Oktýabr fýuçersiniň bahasy 1 müň kub metr üçin 1 032 dollar boldy.
28-nji sentýabrda Ýewropada söwdanyň açylyşynda taryhda ilkinji gezek gazyň bahasy 1 müň kub metr üçin 1 000 dollardan geçdi. Niderlandlardaky TTF merkezinde oktýabr fýuçersiniň bahasy ösüşini 1 müň kub metr üçin tas 1 040 dollara çenli ýokarlandyrdy, günüň başyndan bäri gazyň bahasynyň umumy ösüşi 11 göterimden geçdi.
Şol bir wagtyň özünde, Fitch halkara reýting agentliginiň tebigy çeşmeler we çig harytlar boýunça toparynyň uly müdiri Dmitriý Marinçenko gazyň bahasy sowuk gyş we bazardaky gaz ýetmezçiligi sebäpli ösüşini dowam etdirip, rekordlary täzeläp biler diýip hasaplaýar.
