Apple 2022-nji ýylda wirtual hakykatly şlem öndürer

  • 28.09.2021 07:45
  • 5.3k+

Apple 2022-nji ýylda VR gulaklygyny, has takygy, wirtual hakykatly şlem öndürer. Bu barada “MacRumors” neşirine salgylanyp, lenta.ru habar berýär.

“DigiTimes”-iň habaryna görä, Apple-iň wirtual we goşmaça hakykatly gulaklygynyň önümçiligine 2022-nji ýylyň ikinji çärýeginde başlanar. Amerikan kompaniýasy täze önümi ýylyň üçünji ýa-da dördünji çärýeginde tanyşdyrmagy meýilleşdirýär.

Häzirki wagtda Apple bu önümiň prototipini işläp taýýarlamak we synagdan geçirmek işini tamamlady. Şeýlelikde, kompaniýa enjamy indiki ýylyň birinji ýarymynda üpjün edijilerine ýygnamak üçin ibermäge taýyn bolar. Apple-iň ilkinji VR äýneginiň şu güýzde, takmynan, noýabr aýynda satuwa çykarylmagyna garaşylýar.

Mundan başga-da, Apple dürli bazar segmentleri üçin enjamyň birnäçe görnüşini öndürmegi meýilleşdirýär diýip, çeşme habar berýär.


31.05.2025 16:39
1.8k+

Alymlar derini, süňkleri we beýleki dokumalary 3D bio çap etmek üçin täze materiallary döretdiler

N.I.Lobaçewskiý adyndaky Milli barlag Nižegorod döwlet uniwersitetiniň himikleri (UNN) derini, süňkleri, gan damarlaryny we beýleki dokumalary 3D bio çap etmek üçin material döretdiler. Bu barada uniwersitetiň metbugat gullugy habar berdi...

12.05.2025 12:31
2.6k+

Alymlar 3D çap usulynda aortanyň ornuny tutýan bio dokumany çap etdiler

Ýel uniwersitetiniň (ABŞ) alymlary zeper ýeten bio dokumalary 3D çap usulynda döredilen bio dokuma bilen çalyşmagyň tehnologiýasyny işläp düzdüler. Synagda çap edilen aorta syçanlara üstünlikli imlpantasiýa edildi, bu bolsa adamlarda ýürek-damar kesellerini bejermekde täze mümkinçilikleri açýar...

09.05.2025 12:06
6.6k+

Inženerler 100 ýyllyk kepillik bilen titandan ruçka döretdiler

Titaner kompaniýasy 100 ýyl hyzmat etjek Dragon Pearl ruçkasyny döretdi. Ol tutuşlygyna diýen ýaly, hatda içki pužiny hem 5-nji derejeli titandan ýasalan. Inženerleriň hasaplamalaryna görä, mehanizm milliondan gowrak gezek basylmaga çydap biler...

20.04.2025 18:25
3.3k+

Singapurda ýagyş damjalaryndan elektrik energiýasyny öndürmegi başardylar

Singapurly alymlar ýagyş damjalaryndan elektrik energiýasyny öndürmegiň usulyny işläp düzdüler diýip, «Interested Engineering» habar berýär. Bu usul suwuklygyň birmeňzeş tizlikde we şol bir ugra tarap turba boýunça hereket edýän mahaly ýüze çykýan porşen akymy täsirinden peýdalanýar...