Britaniýaly Hemilton Russiýanyň Gran-prisinde birinji bolup, “Formula-1-de” 100-nji ýeňşini gazandy

  • 26.09.2021 21:50
  • 3.4k+

“Mersedes” toparynyň sürüjisi britaniýaly Lýuis Hemilton “Formula-1” ulag klasyndaky awtoýaryşlar boýunça dünýä çempionatynyň 15-nji tapgyry bolan WTB Russiýanyň Gran-prisinde ýeňiji boldy. Ýaryş Soçide geçirildi.

Ikinji orny tapgyryň dowamynda kuwwatly gurluşy çalyşandygy üçin alan jerimesi sebäpli ýaryşa 20-nji ýerden başlan “Red Bulldan” niderlandly Maks Werstappen eýeledi. Üçünji “Ferrariden” ispaniýaly Karlos Saýns boldy. 

Hemilton Werstappenden öňe geçip, umumy sanawda birinji orna çykdy, britaniýaly sürüjiniň hasabynda 246,5 utuk, niderlandiýaly sürüjide 244,5 utuk bar. Liderleriň üçlügini “Mersedesden” finlýandiýaly Waltteri Bottas (151) jemleýär. Konstruktorlaryň kubogynda birinji orny “Mersedes” (362,5 utuk) eýeleýär, onuň yzyndan “Red Bull” (344,5) we “Maklaren” (215) gelýär.

Hemilton üçin bu ýeňiş “Formula-1-de” 100-nji boldy. Soçide ol bäşinji ýeňşini gazandy, öň 2014, 2015, 2018 we 2019-njy ýyllardaky tapgyrlarda birinji orny eýeläpdi. Russiýanyň Gran-prisi 2014-nji ýyldan bäri geçirilýär, “Formula-1-iň” rus tapgyrynda diňe “Mersedesiň” sürüjileri birinji boldy. 2016-njy ýylda tapgyrda germaniýaly Niko Rosberg, 2017 we 2020-nji ýyllarda Bottas ýeňiji boldy.

2023-nji ýyldan dünýä çempionatynyň rus tapgyry Leningrad sebitine geçiriler. Çempionatyň indiki tapgyry 8 – 10-njy oktýabrda Türkiýede bolar. 


27.10.2025 14:39
1.5k+

Formula-1-iň lideri çalyşdy: Norris şahsy hasapda topardaşy Piastriden geçdi

Meksikada ýerleşýän "Doganlar Rodriges adyndaky awtodrom" ýokary belentlikdäki ýolda Formula-1 dünýä çempionatynyň 20-nji tapgyry — Meksikanyň Gran-prisi geçirildi. Bu ýaryşda «McLaren» toparynyň britaniýaly sürüjisi Lando Norris ýeňiş gazanyp, karýerasynyň iň güýçli çykyşlarynyň birini görkezdi...

26.10.2025 09:40
4.3k+

SportsPro 2025-nji ýylyň iň köp gyzyklanma bildirilýän türgenleriniň reýtingini hödürledi

SportsPro žurnaly 2025-nji ýylyň iň köp isleg bildirilýän türgenleriniň reýtingini hödürledi. Sanawy düzüjiler isleg görkezijisini üç ölçeg: şahsy brendiň güýji, ykdysady mümkinçilikler we elýeterli bazar gurşawy, ýagny öz sport görnüşinde gazanç mümkinçiligi boýunça hasaplady...

20.10.2025 14:04
1.5k+

Werstappen ABŞ-nyň Gran-prisini utup, çempionatda Piastriden aratapawudyny azaltdy

19-njy oktýabrda, ýekşenbe güni Ostindäki Circuit of the Americas ýaryş ýolunda Formula-1 çempionatynyň 19-njy tapgyry – ABŞ-nyň Gran-prisi geçdi. Onda “Red Bulluň” niderlandly sürüjisi Maks Werstappen ýeňiş gazandy...

19.10.2025 16:46
1.5k+

Apple ABŞ-da “Formula-1-i” ýaýlyma bermek üçin 750 mln dollara hukuk satyn aldy

Apple ABŞ-da “Formula-1” ýaryşlaryny ýaýlyma bermek üçin aýratyn hukuk satyn aldy. Bu barada çempionatyň metbugat gullugy habar berýär. Hyzmatdaşlyk barada şertnama bäş ýyl möhlet bilen baglaşyldy. Variety neşiriniň maglumatlaryna görä, şertnamanyň bahasy, takmynan, 750 mln dollar boldy...