Ýewropada bitkoini döreden adama ýadygärlik dikildi

  • 19.09.2021 15:26
  • 10k+

Ýakynda Wengriýanyň paýtagty Budapeştde bitkoin kripto walýutasyny esaslandyran Satoşi Nakamoto üçin ýadygärlik dikildi. Bu barada ferra.ru habar berdi.

Çeşmäniň habar bermegine görä, Satoşi Nakamoto - rowaýaty şahsyýet hasaplanýar. Sebäbi onuň kimdigi - erkekmi, aýalmy ýa-da bir pikire uýýan adamlaryň toparymy - bu henizem nämälimligine galýar. Şonuň üçin hem heýkelde belli bir adamyň şekili görkezilmän, ýüzüň ýerine aýnaly sudur ýerleşdirilipdir.

Satoşi Nakamotonyň şahsyýeti barada has ýörgünli bir çaklama bar. Aýdylmagyna görä, Satoşi Nakamoto - kompaniýalarynyň atlarynyň ilkinji harplarynyň utgaşmasydyr, ýagny - Samsung-Toshiba-Nakamichi-Motorola.

Heýkeliň awtorlary munuň bitkoini we umuman, "kripto" nyşanyny alamatlandyrýandygyny öňe sürýärler. Şeýle hem, ol "sanly altyny" goldaýanlaryň her biriniň Satoşidigini aňladýar.


16.07.2025 12:27
8.4k+

Wengriýanyň iň köne kitaphanasynda agaç tomzaklary ýüz müňlerçe seýrek kitaplara hüjüm etdi

Wengriýanyň iň gadymy kitap toplumy bolan Pannonhalmadaky orta asyr monastyr kitaphanasynyň işgärleri agaç tomzagy zerarly zeper ýeten 100 000 töweregi seýrek kitaplary gyssagly dezinseksiýa etmeklige girişdiler...

08.07.2025 17:40
3.5k+

ÝB-de smartfonlar indi batareýalaryň ömrüni görkezýän bellik bilen belgilenýär

Ýewropa Bileleşiginiň ýurtlarynda elektron gurluşlaryň sarp ediji aýratynlyklaryny, şol sanda akkumulýatoryň çydamlylygyny bellik arkaly görkezmegi göz öňünde tutýan täze düzgünler hereket edip başlady. Akkumulýatoryň ömrüni kesgitlemek üçin zarýad sikliniň – batareýanyň doly zarýadsyzlanmagynyň we ýene zarýad almagynyň sany ölçenýär...

05.07.2025 14:05
9.5k+

Supermeniň heýkeli Günbatar Ýewropanyň iň beýik binasynyň depesini bezedi

Londonda Günbatar Ýewropanyň iň beýik binasy bolan Shard diňiniň depesinde Supermeniň hakyky heýkeli goýuldy. Beýikligi 3,3 metr we agramy 120 kg bolan heýkel Jeýms Gannyň täze filmini mahabatlandyrmak üçin aýna plastikden we eko-şepbikden döredildi...

01.07.2025 17:09
7.4k+

Ýewropany yssy gurşap aldy: Birnäçe ýurtda howa howpunyň iň ýokary derejesi yglan edildi

30-njy iýunda Ýewropada aşa yssy howa boldy, temperaturanyň mundan beýläk hem ýokarlanmagyna garaşylýar. Ispaniýada, Portugaliýada, Italiýada, Fransiýada, Germaniýada we Beýik Britaniýada howa duýduryşlary yglan edildi...