Germaniýanyň Opel kompaniýasy “Astra” heçbeginiň täze nesliniň elektrikli görnüşiniň haçan çykaryljakdygyny aýtdy. Aýdylmagyna görä, awtoulagyň elektrikli görnüşi 2023-nji ýylda satuwa çykar. Onuň benzinli görnüşini bolsa eýýäm şu oktýabrda sargyt edip bolar. Bu barada insideevs.ru habar berýär.
"Astra" heçbeginiň altynjy nesli şu ýylyň iýun aýynda çykarylypdy. Onuň elektrikli görnüşiniň çykaryljak senesi baradaky anyk maglumaty welin Opel häzirlikçe özünde saklaýar. Muňa garamazdan, geljek aý alyjylar onuň diňe benzinli görnüşi bilen gibrid görnüşini alyp bilerler diýlip, habar berilýär. Elektrikli görnüşe bolsa ýene birki ýyl garaşmaly bolar.
Täze “Astra” "Peugeot 308"-iň binýadyny düzýän EMP2 modul platformasynyň iň soňky gaýtalanmagyna, ýagny interasiýasyna esaslanýar. Onda 110-dan 225 at güýjüne çenli benzin we dizel hereketlendirijileri ornaşdyrylar. Mundan başga-da, onuň iki sany gibrid görnüşiniň çykarylmagyna garaşylýar.
