Netflix-iň “Perziniň göçümi” atly meşhur serialy abraýly "Emmi" baýraklarynyň ýedi sanysyna mynasyp boldy. Bu barada vm.ru habar berdi.
Baýraklaryň gowşurylyş dabarasy ABŞ-da geçirildi. Creative Arts Emmy Awards - "Emminiň" "tehniki" görnüşi bolup durýar. Onda baýraklar, beýleki zatlar bilen bir hatarda, kamera işine, grime, saçyň timaryna we önümçilik dizaýneriniň işine hem berilýär.
“Perziniň göçümi” - 1983-nji ýyldaky adybir romana esaslanan drama. Filmdäki wakalar XX asyryň ortalarynda bolup geçýär. Bu kiçi serialda küşt oýnamak sungatyny öwrenmäge synanyşýan Kentukki şäherinden bolan ýetim gyz Bet Harmon hakynda gürrüň berilýär. Onda baş keşbi bu film üçin “Altyn globus”, ABŞ-nyň kino aktýorlary Gildiýa we beýleki baýraklary alan meşhur aktrisa Anýa Teýlor-Joý ýerine ýetirdi.
Bu seriala tankytçylar tarapyndan ýokary baha berildi. Şeýle hem ol 2020-nji ýylyň iň gowy 5 seriýalynyň hataryna girdi. Onuň üstünligi küşt oýnunyň meşhurlygynyň has-da artmagyna sebäp boldy.
Baýraklaryň galan ýeňijileri 20-nji sentýabrda yglan ediler diýip, Newinform habar berýär.
