Çempionlar ligasynyň A toparynyň birinji tapgyrynyň oýnunda «PSŽ» Belgiýanyň «Brýugge» toparyny ýeňip bilmedi. Duşuşyk 1:1 hasabynda tamamlandy. Bu duşuşyk argentinaly hüjümçi Lionel Messi üçin pariž klubunyň düzüminde birinji oýun boldy. Emma Messi toparyna ýeňmäge kömek edip bilmedi, duşuşygyň ahyrynda bolsa, sary duýduryş aldy.
B toparda «Liwerpul» 3:2 hasabynda «Milandan» üstün çykdy. Italiýan klubunyň oýunçylary iki gezek hasaby deňlemegiň hötdesinden gelseler-de, iňlisler güýçli geldiler.
D toparda Milanyň «Interi» bilen Madridiň «Realynyň» arasynda hasap 89-njy minuda çenli 0:0 bolmagynda galdy. Şonda ispan klubunyň ýarymgoragçysy Eduardo Kamawinga italýanlaryň jerime meýdançasynda topy Rodrigo geçirdi. Ol hem ýeňiş pökgüsini geçirdi.
Amsterdamyň «Aýaksy» bilen Lissabonyň «Sportinginiň» arasyndaky duşuşyk niderlandlylaryň hasabynda 5:1 hasabynda tamamlandy. Sebastýen Aller «Aýaksyň» düzüminde Çempionlar ligasyndaky ilkinji duşuşygynda 4 gol geçirdi. Bäşinji pökgini Stiwen Bergöýs geçirdi.
Beýleki duşuşyklaryň netijeleri:
- «Beşiktaş» - «Borussiýa» — 1:2 (Gollar: Montero 90+4' — Bellingem 20', Holann 45+3')
- «Mançester Siti» - «Leýpsig» — 6-3 (Ake 16, Mukiele (ÖG) 28, Marez (pen) 45+2, Griliş 56, Kanselu 75, Jesus 85 — Nkunku 42, 51, 73)
- «Şerif» - «Şahtýor» — 2:0 (Traore 16, Ýansane 62)
- «Atletiko» - «Portu» — 0:0
