Samsung indiki ýyl “Galaxy Note” smartfonlarynyň önümçiligine gaýtadan başlap biler. Bu barada belli insaýder Ice Universe-ä salgylanyp, ferra.ru habar berdi.
Ýakynda Samsung smartfonlar üçin üpjünçilik zynjyrynda täze “Galaxy Note” smartfonynyň hem adyny agzady. Meşhur flagman smartfonlarynyň gaýdyp geljekdigi hakynda çaklamalaryň döremegine hem, esasan, şol sebäp boldy. Häzirki wagtda onuň ady, has dogrusy, modeliň sanly ýa-da harp görkezijisi, şeýle hem tehniki aýratynlyklary barada takyk maglumat ýok. 2022-nji ýylyň ikinji ýarymynda bu professional smartfonyň ýakyn geljek ýylyň birinji çärýeginde tanyşdyrylmagy mümkin bolan Galaxy S22 bilen deň derejede boljakdygy çaklanylýar.
“Note” tapgyrynyň iň soňky smartfony 2020-nji ýylyň awgust aýynda bazara çykan “Galaxy Note 20” boldy. “Galaxy Note 20” anons edilenden soň kän wagt geçmänkä Samsungyň bu ugry ösdürmegi dowam etdirmekden ýüz öwürip biljekdigi barada myş-myşlar peýda bolup başlapdy. Ilki bilen munuň sebäpleri hökmünde komponentleriň ýetmezçiligi, soň bolsa “Galaxy S” liniýasy bilen içerki bäsleşigiň azalmagy görkezilipdi.
