Niderlandlaryň TTF gaz merkezindäki noýabr gaz fýuçersleriniň bahasy taryhda ilkinji gezek 1000 kub metr üçin 700,2 dollara ýa-da megawatt/sagat üçin, takmynan, 57 ýewro ýetdi. Londonyň ICE biržasynyň söwda maglumatlaryna görä, günde 3% ösüş gazanyldy. Bu barada vedomosti.ru habar berdi.
9-njy sentýabr - penşenbe güni söwdanyň açylyşynda gazyň 1000 kub metriniň bahasy 679 dollar bolupdy. Baha günüň dowamynda 669,4 dollara çenli aşaklady, soňra bolsa täze bir rekord goýup, çalt ýokarlanmaga başlady.
Awgust aýynyň ortalarynda Gazprom Ukrainanyň üstünden üstaşyr geçmek üçin goşmaça mümkinçilikleri bron etmezlik kararyna geldi. Ýogsa "Ukrainanyň gaz geçiriji ulgam operatory" auksionda sentýabr aýynda gününe 15 million kub metre çenli tranzit kuwwatyny hödürläpdi. Şeýle-de bolsa, rus kompaniýasy teklip edilýän kuwwatyň bary-ýogy 4,3 göterimini - günde 0,65 million kub metri ýa-da bütin sentýabr aýynyň dowamynda jemi 19,5 million kub metri bron etdi.
