Windows 11 5-nji oktýabrda çykar

  • 03.09.2021 07:12
  • 2.6k+

Windows 11 operasion sistemasy 5-nji oktýabrda ulanyjylar üçin elýeterli bolar. Bu barada operasion sistemany döreden Microsoft korporasiýasy habar berýär diýip, TASS belleýär.

“2021-nji ýylyň 5-nji oktýabrynda Windows 10 gurnalan kompýuter eýeleri Windows 11-e mugt geçip bilerler, satuwa bolsa eýýäm Windows 11 gurnalan kompýuterler çykarylar” – diýlip, kompaniýanyň metbugat relizinde aýdylýar.

Täzelenen operasion sistema geçmek mümkin bolan ähli gurluşlaryň ulanyjylarynyň muny 2022-nji ýylyň ortalaryna çenli amala aşyrmagyna garaşylýar. Microsoft Windows 10 üçin 2025-nji ýylyň 14-nji oktýabryna çenli goldaw berer – Windows-yň bu wersiýasynyň indiki täzelenmesiniň şu ýyl bolmagyna garaşylýar.

Microsoft Windows 11 operasion sistemasyny iýun aýynda hödürledi. Döredijiler onuň dizaýnyny täzelediler: “Pusk” menýusy indi ekranyň merkezi böleginde ýerleşer. Mundan başga-da, täze OS doly işlenilen dizaýna, iki monitor işini götermegiň kämilleşdirilen ulgamyna, dürli hyzmatlara elýeterli bolmak üçin wijetlere we beýleki birnäçe täzeliklere eýe boldy.

Täze üýtgeşmeleriň biri-de Windows 11-de Android üçin programmalary ulanmak mümkinçiligidir – işläp düzüjiler geljek birnäçe aýyň dowamynda synag geçirerler.


düýn 16:31
853

Windows 11-de dikeldiş nokatlary iki aýdan pozulyp başlar

Microsoft kompaniýasy Windows 11-de dikeldiş nokatlarynyň (Restore point) saklanyş möhletini üýtgetdi. 2025-nji ýylyň iýun aýyndan başlap, 24H2 wersiýasy üçin täze täzelenme girizilenden soň, bu nokatlar indi diňe 60 gün saklanar — öň bu möhlet 90 güne barabardy...

19.06.2025 00:19
2.7k+

Microsoft korporasiýasy Windows 11 üçin gyssagly patç çykardy we täze meseleleri döretdi

Geçen hepde Microsoft korporasiýasy Patch Tuesday programmasynyň çäklerinde Windows 11 üçin KB5060842 täzelenmesini çykardy. Ýöne ol Easy Anti-Cheat antiçitini ulanýan oýunlar bilen gabat gelmekde mesele döretdi...

26.05.2025 17:07
3.4k+

Microsoft takyk howa çaklamalary üçin Aurora EA modelini hödürledi

Microsoft howany çaklamak üçin niýetlenen täze Aurora EA modelini hödürledi. Modeliň iş netijeleri bilen gözleg Nature žurnalynda neşir edildi. Fiziki deňlemelere esaslanýan adaty usullardan tapawutlylykda Aurora diňe arhiw maglumatlary bilen okadyldy...

22.05.2025 20:30
1.2k+

Microsoft ylmy gözlegleri çaltlaşdyrmak üçin Discovery EA platformasyny işe girizdi

Build 2025 konferensiýasynda Microsoft korporasiýasy emeli aňyň kömegi bilen ylmy gözlegleri çaltlaşdyrmak üçin döredilen Discovery platformasyny hödürledi. Kompaniýanyň maglumatlaryna görä, täze ulgam maglumatlary seljermekden we çaklamalary öňe sürmekden başlap, tejribeleri modelirlemäge we netijeleri gaýtadan işlemäge çenli ylmy gözlegiň ähli tapgyrlarynda kömek eder...