«Tottenhem», «Roma», «Kaýrat»… UEFA-nyň Konferensiýalar ligasynyň bijesi çekildi

  • 28.08.2021 14:21
  • 14k+

27-nji awgustda UEFA-nyň Konferensiýalar ligasynyň 2021/22 möwsüminiň toparlaýyn tapgyrynyň bijeleri çekildi. Bu barada UEFA-nyň resmi saýty habar berýär.

Bije çekilmezden öň, 32 klub möwsümiň başyna çenli klublaýyn koeffisentlerine we UEFA-nyň klublaýyn ýaryşlar boýunça Komitetiniň ýörelgelerine laýyklykda, 8-den dört sebede paýlandy. Bir assosiasiýanyň klublary, şeýle hem Ermenistanyň we Azerbaýjanyň klublary bir topara düşürilmedi.

Belläp geçsek, şu ýyl ýaryşa ilkinji gezek gazaklaryň «Kaýrat» kluby gatnaşýar. Ýakynda oňa Gurban Berdiýew tälimçi bellendi. Türkmen hünärmeniniň kluby üçünji sebede düşdi we H toparda Şweýsariýanyň «Bazel», Azerbaýjanyň «Karabah» we Kipriň «Omoniýa» klublary bilen duşuşar.

Toparlar şulardan ybarat:

A topar: «LASK» (Awstriýa), «Makkabi Tel-Awiw» (Ysraýyl), «Alaşkert» (Ermenistan), «HIK» (Finlýandiýa). 
B topar: «Gent» (Belgiýa), «Partizan» (Serbiýa), «Flora» (Estoniýa), «Anortosis» (Kipr). 
C topar: «Roma» (Italiýa), «Zarýa» (Ukraina), «SSKA Sofiýa» (Bolgariýa), «Budö-Glimt» (Norwegiýa).
D topar: «AZ» (Niderlandlar), «ÇFR Kluž» (Rumyniýa), «Ýablones» (Çehiýa), «Ranners» (Daniýa).
E topar: «Slawiýa Praga» (Çehiýa), «Feýenoord» (Niderlandlar), «Union Berlin» (Germaniýa), «Makkabi Haýfa» (Ysraýyl).
F topar: «Kopengagen» (Daniýa), «PAOK» (Gresiýa), «Slowan» (Slowakiýa), «Linkoln» (Gibraltar).
G topar: «Tottenhem» (Angliýa), «Renn» (Fransiýa), «Witess» (Niderlandlar), «Mura» (Sloweniýa). 
H topar: «Bazel» (Şweýsariýa), «Karabah» (Azerbaýjan), «Kaýrat» (Gazagystan), «Omoniýa» (Kipr). 

Toparlaýyn tapgyryň duşuşyklary 16-njy sentýabrdan 9-njy dekabrda penşenbe günleri — Ýewropa ligasynyň duşuşyklarynyň geçirilýän günleri geçiriler.

Konferensiýalar ligasynyň 8 toparynyň ýeňijileri gönüden-göni 1/8 finala çykýarlar. Ikinji orny eýelänler Ýewropa ligasynyň toparlarynda üçünji orny eýelän klublar bilen duşuşyp, 1/8 finala galan 8 petek ugrunda ýaryşarlar.

Ýaryşyň finaly 2022-nji ýylyň 25-nji maýynda Albaniýanyň paýtagty Tiranadaky «Nasional Arena» stadionynda geçiriler.


şu gün 12:05
1.6k+

Klublaýyn dünýä çempionatynyň 1/8 finalyna gatnaşyjylaryň ählisi belli boldy

Amerikanyň Birleşen Ştatlarynda futbol boýunça Klublaýyn dünýä çempionatynyň toparçalaýyn tapgyrynyň 3-nji duşuşyklarynyň soňky oýun güni tamamlandy. H toparyň jemleýji duşuşyklarynda Madridiň «Realy» «Zalsburgy» 3:0 hasaby bilen ýeňdi...

şu gün 10:22
2.6k+

Ronaldu "Al-Nasr" bilen şertnamasyny 2027-nji ýyla çenli uzaltdy

Kriştianu Ronaldu Saud Arabystanynyň «Al-Nasr» futbol kluby bilen şertnamasyny 2027-nji ýylyň tomsuna çenli uzaltdy. Bu barada toparyň resmi saýty habar berdi. 40 ýaşly portugaliýaly hüjümçiniň öňki şertnamasy 2025-nji ýylyň 30-njy iýunynda tamamlanmalydy...

25.06.2025 16:41
15k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...

25.06.2025 12:04
5.7k+

«Lion» futbol klubuny maliýe hasabatlylygyny bozandygy üçin 2-nji Liga düşürdiler

Fransiýanyň Milli gözegçilik we dolandyryş direktoraty (DNCG) «Lion» futbol klubuny maliýe hasabatlarynda ýüze çykan düzgün bozmalary sebäpli 2-nji Liga düşürmek kararyna geldi. Bu barada Fransiýanyň Professional futbol ligasynyň resmi saýtynda habar berilýär...