Polina Gurýewanyň ilkinji tälimçisine «Garaşsyz Türkmenistana bolan beýik söýgüsi üçin» ordeni gowşuryldy

  • 22.08.2021 17:03
  • 25k+

Türkmenistanyň taryhynda ilkinji Olimpiýa medalyny gazanan agyr atletika boýunça ýurdumyzyň milli ýygyndysynyň wekili Polina Gurýewanyň ilkinji tälimçisi Ahmet Saryýewe «Garaşsyz Türkmenistana bolan beýik söýgüsi üçin» atly orden gowşuryldy.

Tälimçini bu hormatly orden bilen sylaglamak hakynda Türkmenistanyň Prezidenti degişli Permana gol çekdi.

Ahmet Saryýewiň tälimçilik etmeginde Polina Gurýewa 2017-nji ýylda Azerbaýjanyň Baku şäherinde geçirilen IV Yslam raýdaşlyk oýunlarynda altyn medala mynasyp bolupdy. Şeýle hem Polina 2014-nji ýylda geçirilen Aziýanyň kubogy ugrundaky III halkara ýaryşda we ýaşlaryň arasyndaky klublaýyn yklym çempionatynda kümüş, 2018-nji ýylda geçirilen ýaşlaryň arasyndaky Aziýa çempionatynda bürünç medalyň eýesi bolupdy. Tokioda geçirilen XXXII tomusky Olimpiýa oýunlarynda 59 kilograma çenli agram derejesinde kümüş medala mynasyp bolmak bilen, 21 ýaşly agyr atletikaçy adyny Türkmenistanyň sport taryhyna hemişelik ýazdy.

TmCars.info-nyň ozal hem habar berşi ýaly, Tokioda geçirilen XXXII tomusky Olimpiýa oýunlarynyň kümüş medalynyň eýesi Polina Gurýewa Türkmenistanyň Prezidentiniň adyndan 21-nji awgustda 50  müň amerikan dollary möçberinde pul baýragy hem-de Aşgabat şäherinden 3 otagly ýaşaýyş jaýynyň we gymmat bahaly Lexus LX 570 Sport Plus awtoulagynyň açarlary gowşuryldy. Şeýle hem Türkmen döwlet bedenterbiýe we sport institutynyň talyby Polina Gurýewa «Türkmenistanyň at gazanan sport ussady» diýen hormatly at dakyldy.


düýn 17:40
6.1k+

"Ahal" FK AFC-2 Çempionlar ligasynyň birinji tapgyrynda myhmançylykda 3 utuk gazandy

16-njy sentýabrda AFC-2 Çempionlar ligasynda «Ahal» futbol kluby myhmançylykda toparçalaýyn tapgyrdaky ilkinji duşuşygynda Hindistanyň «Mohun Bagan» toparyna garşy meýdança çykyp, bu topary 1:0 hasap bilen ýeňmegi başardy...

14.09.2025 21:33
12k+

Türkmenistanyň Döwlet baýdagy Ýewropanyň iň beýik nokadyna galdyryldy

«Morinžgeologiýa» hyzmat kärhanalar toparynyň işgärleri Ýewropanyň iň beýik depeleri bolan Elbrus dagynyň günbatar we gündogar belentliklerine çykdylar. Bu belentliklerde alpinistler Türkmenistanyň Garaşsyzlygynyň 34 ýyllygynyň öňüsyrasynda Türkmenistanyň Döwlet baýdagyny galdyrdylar...

13.09.2025 18:02
6.3k+

Türkmen karateçileri Hytaýda Aziýa çempionatynda iki medal gazandylar

Türkmenistanly karateçiler 21 ýaşa çenli ýetginjekleriň we ýaşlaryň arasynda geçirilen 23-nji Aziýa çempionatynda iki sany bürünç medal gazandylar. Ýaryş Hytaýyň Guandun welaýatynyň şäher etrabynda geçirildi diýip, «Türkmenistan: Altyn Asyr» elektron neşiri habar berýär...

13.09.2025 17:21
6.3k+

Türkmen türgenleri Gresiýada geçirilýän jiu-jitsu boýunça çempionatda 8 altyn medal gazandylar

Türkmenistanyň jiu-jitsu boýunça milli ýygyndysy 11–14-nji sentýabr aralygynda Afinada geçirilýän 20-nji Balkan açyk çempionatynda uly üstünlik gazandylar. Ilkinji iki bäsleşik gününde milli ýygyndymyz 21 medal – 8 altyn, 6 kümüş we 7 bürünç medala mynasyp boldy...